閃光燈

出自維基百科,自由嘅百科全書

閃光燈粵拼sim2 gwong1 dang1)係種可以提供短時間強嘅燈,通常喺影相嘅時候用到。閃光燈發光時間通常喺1/1000-1/200秒之間。最早嘅閃光燈係鎂光燈,靠通電之後氧化反應來發光。而今嘅閃光燈多數係電子閃光燈,有靠充稀有氣體來發光,亦有用LED燈發光。

閃光燈一般會喺環境唔夠光嘅時候用,但係有啲場合會唔畀用,或者用咗都無效果。比如,對行緊嘅或者其它交通工具用閃光燈會嚴重影響個司機,閃光燈照落古董道會加速表面氧化,照落動物或者孲𤘅子道會嚇親佢哋(後一種情況重會傷到佢對)。另外如果用閃光燈來影銀幕上啲嘢,或者對住塊玻璃用閃光燈想影到玻璃後面啲嘢,都只會影到白茫茫一片,達唔到想要嘅效果。

因為閃光燈喺短時間內提供嘅強光足以將人眼虹膜紅色影出來,所以用閃光燈影人相好多時候會有「紅眼」。而今幾乎所有數碼相機都會有修正紅眼嘅功能。