開平

  想搵第二個意思嘅話，請睇開平 (搞清楚)。

開平市

開平本土特色碉樓

開平（粵拼：hoi1 ping4）喺中國廣東，家下係江門市下便一個縣級市，叫開平市。開平原本係個縣，叫開平縣。開平同恩平、台山、新會夾埋叫做四邑。

申報世界遺產

開平碉樓喺2001年成為中國重點保護文物，喺2007年6月28號，獲聯合國教科文組織通過成為世界遺產。

文化意義

開平碉樓，係由華人主動引入西洋文化，並非由西洋人引入，所以呢個代表咗華僑主動將中西文化搭埋一齊。2020年12月25日，中華人民共和國文化和旅遊部列咗開平碉樓做國家5A級旅遊文化景區。

地理

山

東北有梁金山。西南有北獵山、羅漢山。

水

開平有蜆江水，上承恩平江，向東南流，右納長塘水，東南去到赤磡叫赤磡水。有北雙橋水，向南流入赤磡水，去到縣治南，同獨鶴水合，叫尖石水。再向東南流，叫長沙河，過赤水口，入新會。

史

開平設立之前，先後由唔同嘅縣管轄。

南明永曆三年（大清順治六年），新興縣開平屯獨立出來，加上部份新會同恩平兩縣地嘅地，開縣。

大清時有松柏、沙岡兩個巡司。

起源同特色

碉樓可以追到去明朝中後期，不過大多數碉樓係20世紀20到30年代起嘅。當時旅居世界各地嘅華僑，將佢哋僑居國嘅建築風格，帶埋返嚟開平，所以碉樓嘅建築風格，用嘅材料，都包晒現代主要嘅建築風格。而碉樓設計嗰時，曾考慮到開平一帶有好多土匪，睇中當地回鄉華僑有錢想搶嘢。

當時嘅人為咗防土匪，會儲備好多槍；同土匪打嗰陣，碉樓係主要攻防陣地，所以當地人亦叫碉樓做「炮樓」，而炮即係槍。