閩語

閩語或者叫「閩方言」，係中國七大方言之一。閩係福建簡稱，閩語就即係福建地區用嘅語言，所以又叫「福佬話」。不過實際上閩語唔止福建地區有人用，閩語分佈除咗福建，重去到廣東、台灣三省、浙江南部、江西、廣西、江蘇三省。

喺中國七大方言之中閩語係最複雜一種，原因係閩語發展過程之中，閩語區嘅人因為避難或者征蠻，經歷過好多次大型遷徙，而搬走之後又無乜聯絡返，造成文化上差異好大，所以閩語入面，閩南閩北講嘢都溝通唔到，閩東閩中又有好大差異。所以有啲語言學者認為應該將閩語分開閩南閩北，當兩種語言，不過應唔應該分就重拗緊。