阮明哲

出自維基百科,自由嘅百科全書
跳去: 定向搵嘢

阮明哲Nguyễn Minh Triết1942年10月8號—)係越南共產黨領導。佢響越南平陽省邊吉縣富安鄉出世2006年6月27號越南全國代表大會任命接替陳德良,出任越南國家主席一職。少年時已獲數學學士同埋胡志明國家政治學院政治學學士學位,係經濟改革派人物。

1960年1975年間,參加南越革命;1975年後,加入胡志明共產主義青年團中央,出任團中央書記1988年小河省做嘢,最高曾官拜書記一職。1997年,升做胡志明市市委副書記,同年12月,越共第八屆四中全會,選咗佢做中央政治局委員。1998年佢出任越南中央民運部部長。

2000年,佢成為胡志明市市委書記,力促經濟同埋基建發展,受到外商重視,上任期間,胡志明市經濟高速發展。2001年4月越共九大同2006年4月越共十大上,佢都連任到中央政治局委員。

2006年6月24號,越南國家主席陳德良、政府總理潘文凱同埋國會主席阮文安喺越南第十一屆國會第九次會議集體呈辭,希望將職務交畀後生領導人。越南國會隨後以94%的贊成票,通過阮明哲接任國家主席,同期阮富仲選咗做國會主席,總理一職則由阮晉勇接。外界預期阮明哲會比佢前任,更加積極推動私有化,同埋政府會少啲干預經濟運作。

前任:
陳德良
1997年2006年
越南國家主席
2006年