陳逸寧

陳逸寧（Isabel Chan，1979年 11月24號—），係香港嘅電影演員。佢喺馬來西亞出世，香港讀書，香港樹仁大學畢業，1998年被星探發掘，並簽約Jamcast開始做廣告模特兒，1999年拍香港電台青春電視劇《Y2K前的暑假》開始演戲，同年第一部參與嘅電影演出係《辣椒教室》。2001簽約中國星成為旗下藝人，開始參與更多電影拍攝，包括《棋逢敵手》、《我的婆婆黃飛鴻》、《蝴蝶》等等。2007年開始做保險代理至今，間中會參與幕前演出。當中2012年電影《春嬌與志明》個角色Isabel憑露骨對白「腿張開」（即係廣東話嘅「擘開大髀」）而出名。而2014年佢參演香港電視網絡電視劇《選戰》個角色紀文慧亦作風大膽。其他電影作品有《破事兒》、《恭喜八婆》、《二次人生》等等。