陸奧號戰艦

出自維基百科,自由嘅百科全書
跳去: 定向搵嘢
陸奧號戰艦

陸奧號戰艦,係大日本帝國海軍長門級戰艦嘅第二艘,艦名源於日本古代嘅令制國陸奧。陸奧號唔單止係日本海軍最強大嘅戰艦,亦都被認為係同期世界上戰鬥力最強嘅戰艦之一[1],但係之後唔知點解爆炸沉咗。

性能[編輯]

改裝之前[編輯]

長門號同陸奧號係世界上最早裝備16英寸(406mm)口徑艦炮嘅一批戰艦,試航時速度達到26.728節[2],喺當時嘅戰艦之中可以話係首屈一指。艦首採用少見嘅勺形艏,響主裝甲帶上面無裝裝甲。

改裝之後[編輯]

1930年前後,陸奧號進行咗大規模嘅改裝,修改艦艏嘅形狀,延長艦尾、加裝咗防雷突出部同三層艦底,增厚水平裝甲同增多咗水密艙;二號、三號主炮塔換裝10米測距儀,拆咗兩座140毫米炮同魚雷發射管,增加4座雙聯裝40倍徑127毫米炮同20門25毫米嘅機關炮,同時增加主炮同副炮嘅最大仰角。又換咗個鍋爐,煙囪減為一座,增加燃料裝載量,續航力得到增加,但係最大航速有所下降;改裝嗰時拆咗嘅四號炮塔被用作江田島海軍兵學校嘅教具[3]

差尐被廢棄[編輯]

1921年11月,英國美國主張將包括陸奧號在內嘅各國計劃中同未完成嘅軍艦全部廢棄,但係日本認為啱啱完成試航嘅陸奧號係已經完成嘅軍艦,西方記者一度報道話陸奧號嘅艦名同明治天皇個名睦仁讀音相同[4],因此日本必然會全力爭取唔廢棄陸奧號[1],最終日本可以保留陸奧號。

沉沒[編輯]

陸奧號參與咗1942年6月嘅中途島海戰,喺第一航空艦隊覆滅之後返嚟吳軍港道停泊。1943年6月左右,停泊喺廣島灣柱島泊地嘅陸奧號三號炮塔附近突然間爆炸,陸奧號戰艦瞬間斷咗做兩截,一日之後沉沒[5],艦員同海軍土浦航空隊嘅113位學員、40位教官一共1474人之中只有353人生還,艦長三好輝彥大佐殉職。調查委員會對爆炸原因進行咗調查,但係無法得出確定嘅結論。對爆炸原因嘅推測有俾間諜破壞、三式彈自爆、深水炸彈爆炸等等[6]

參考[編輯]

  1. 1.0 1.1 伊藤正德,刘宏多(译),联合舰队的覆灭,海洋出版社1991
  2. Jentschura, Jung & Mickel, p. 28
  3. 世界の艦船,2009年7月号
  4. Hyde, p. 78
  5. Williams, pp. 129–32
  6. 光人社NF文庫,大高勇治,第7駆逐隊観戦記,P164-P168