雀仔街

雀仔街，本來係指香港旺角嘅康樂街。而家一般人叫嘅雀仔街，係指園圃街雀鳥公園。呢個雀鳥公園嘅檔口，大多數係由雀仔街嗰面搬過嚟。

[編輯] 康樂街

1960年代初，好多香港鍾意養雀嘅人，聚集喺上海街597號奇香茶樓交流雀經。慢慢好多賣相關用品嘅商鋪，都喺奇香茶樓嗰度開，慢慢形成所謂嘅雀仔街。由於大家都習慣咗響嗰度買賣雀鳥，同埋相關嘅嘢，所以奇香茶樓執咗之後，雀仔街依然存在，成為咗香港其中一個景點^[1]。

政府喺1990年代決定，重建康樂街一帶嘅舊樓，成為咗今日嘅朗豪坊，市區重建局嘅前身土地發展公司，喺1996年3月耗資二千九百萬，喺園圃街興建雀鳥公園，並且喺1997年3月落成，佔地三千平方米^[2]。而後來大家亦將雀仔街稱呼，畀咗新嘅園圃街雀鳥公園。

喺2007年，政府喺雀鳥公園其中一個檔位，發現有活生生嘅雀帶有H5N1病毒，政府要對店鋪作出清洗^[3]。令人擔心，有人借香港嘅防疫漏洞，響雀鳥公園賣來歷不明嘅雀，會做成防疫隱憂^[3]。