雙元音

出自維基百科,自由嘅百科全書

雙元音粵拼soeng1 jyun4 jam1;或者叫雙母音二合複元音二合複母音)係指由兩個單元音組成嘅一個音位,具體表現為喉上聲腔由發一個元音嘅構造轉變到發另一個元音嘅構造。國際音標嘅雙元音係加一個(⟨◌ ̯⟩)喺一個元音度,例如 [ai̯][au̯] 等等。

唔同語言對乜嘢構成雙元音嘅規定係唔同嘅,因此兩個元音並列唔一定係構成雙元音。例如廣東話嘅「雞」字嘅韻母係個雙元音,即係 [ɐi̯] 音,係 [ɐ][i] 喺埋一個音節度讀快。法國法文根本係冇雙元音,雖然 ail /aj/ 聽落去係好似雙元音,其實唔成。重有 naïve 嘅元音係 [a][i] 兩個元音喺兩個音節分開讀,但係啲人唔認為 [a][i] 分開兩個音節讀叫做雙元音。魁北克法文就有雙元音,通常係關音節嘅長元音變成,例如 tête /tɛːt/ 讀成 [taɪ̯t]