雙非人

出自維基百科,自由嘅百科全書
跳去: 定向搵嘢

雙非人係指父母雙方都唔係當地公民(或者永久居民)嘅居民。喺採取屬地主義國家或者地區,一個人只要喺嗰個國家或者地區出世,就算父母雙方都唔係本地公民,都可以獲得公民身份。

香港[編輯]

香港,「雙非問題」係指2001年莊豐源案之後,大量配偶唔係香港永久居民嘅中國大陸孕婦湧入香港生仔女,以圖令到仔女一出世就有香港永久居民身份嘅問題。

美國[編輯]

美國英文有一個類似嘅講法「anchor baby」,意思係「打樁細路」(或者直譯「拋錨細路」),指嗰啲喺美國出世,但係父母都唔係美國公民嘅細路。由於根據美國法律,伊啲細路只要滿21歲,就可以以家庭團聚理由幫父母申請永久居民身份,因此當地人將伊啲細路稱為「打樁細路」,係指佢地喺美國出世,完全係為咗幫父母日後移民打定樁先。