雪條

出自維基百科,自由嘅百科全書
跳去: 定向搵嘢
雪條

雪條係一種凍甜品。雪條有仔插入雪硬咗嘅果汁或者雪糕,畀人拎住來食。而扁形嘅棍因為咁叫做雪條棍

歷史[編輯]

根據記載,最早嘅雪條係美國加州三藩市 Frank Epperson發明嘅。1905年,佢正想試整一種新嘢飲,所以就梳打水溝埋唔同味道。佢突然間想試涼浸浸係乜嘅味,就將啲嘢飲入落玻璃管,放咗響後院。又咁啱嗰晚凍到攝氏零度以下,第二日佢返來睇,發覺嘢飲結晒冰,而且連埋支搞嘢嘅木棍都黐實埋,佢就索性用支棍起冰拎起。佢形容支嘢係好靚嘅粉紅冰凍波板糖。呢個就係第一支雪條。[1]

整法[編輯]

整雪條,通常係將糖、調味料、香料同埋色素,混入去水、果汁或者牛奶裏面。之後將佢倒入去柱形盒裏面,插入雪條棍固定。之後將個成個盒放入去雪櫃度雪硬。拎返出來就係雪條喇。整雪條有時加啲紅豆、綠豆等唔同料,等佢多款式。有時重會有朱古力做皮。

參考[編輯]

  1. 雪條嘅起源

睇埋[編輯]