雷耶斯

出自維基百科,自由嘅百科全書
跳去: 定向搵嘢

雷耶斯西班牙文José Antonio Reyes1983年9月1號—)係一個西班牙足球員,喺Utrera出世,而家踢緊西班牙球會西維爾

佢原本喺西班牙甲組足球聯賽中型班西維爾踢波,2004年突然畀英格蘭超級足球聯賽球會阿仙奴以高達2,000萬英鎊轉會費收購咗。嗰陣時唔少評論都質疑阿仙奴嘅收購,因為雷耶斯嗰陣時喺西維爾嘅表現唔算突出。事實上雷耶斯喺踢阿仙奴嘅第一場就入咗個烏龍波,之後又成日公開話適應唔到英國嘅環境。最後阿仙奴喺2006-07年球季將雷耶斯借咗去西甲豪門皇家馬德里

喺皇家馬德里嗰一年,雷耶斯不斷受到傷患困擾,加上要改踢唔係幾擅長嘅右中場位置,限制咗雷耶斯嘅發揮,亦令佢始終踢唔返以前喺西甲時嘅表現。不過佢喺聯賽最後一個星期嘅賽事贏返球迷的歡心,因為佢喺下半場後備上陣,重梅開二度,令球隊反勝對手,幫皇馬喺最後一個星期以同分但係好啲嘅對賽成績贏咗巴塞隆拿,攞返失落咗四年嘅聯賽冠軍。賽季完咗之後,佢冇返返英國,重加盟咗都喺馬德里市嘅馬德里體育會。

2008/09賽季,雷耶斯畀人借咗去葡萄牙賓菲加2012年,雷耶斯返去西維爾踢。