電話號碼係一串數字組合，喺電話用嚟打畀對方嘅電話。最初電話係冇號碼，好似對講機咁，兩個直線電話，一方拉銅鈴，電話線對方就知要聽電話。收尾出現有幾個電話，你打畀我、我打畀佢，要用數字話畀接線生知想接通邊條電話線，電話號碼就出世咗。而家電話全球通，長途電話號碼前面要加個國家號、區號咁。
電話號碼好難記，所以有人要用電話簿寫低，有人入落部手機入面，或者用唔同嘅記憶法記住。
有唔少地方電話號碼最多係8個位，再長啲就好易記錯、講錯、寫錯、打錯畀人。
