青山道

出自維基百科,自由嘅百科全書
跳去: 定向搵嘢

新九龍青山道同響新界青山公路夾埋係全香港最長嘅路。由深水埗開始,連住新界南西北三個地區。亦都係香港早期嘅遠程道路,方便英國接收新界管治。不過無論邊度,條路嘅英文名都係叫Castle Peak Road

[編輯]

路名之所以叫青山,皆因佢最西貼近新界青山,而家下隔籬呢一帶屯門聚居地,英國人叫佢做Castle Peak,所以中文順理成章叫青山。

原本成條路都叫做青山道。後尾除咗新九龍荔枝角、長沙灣同深水埗呢段,全部都改名做青山公路。

青山公路響元朗市區一段正式叫青山公路 - 元朗段,俗稱元朗大馬路

[編輯]

新九龍[編輯]

青山道以深水埗大埔道交界做起點,響九龍一帶山腳向西行,經過長沙灣,去到荔枝角。青山道兩邊多數係舊樓,而近荔枝角嗰邊就係工業區。響荔枝角就向北走,走向蝴蝶谷出新界。

新界[編輯]

屯門新墟附近一段青山公路

青山道一離開新九龍,就叫做青山公路。佢先北上下葵涌個山谷,走到上葵涌,再去荃灣

跟住沿住新界大陸東南岸西行,行過油柑頭汀九深井青龍頭大欖小欖掃管芴三聖就去到屯門,即係舊時青山。

再向北走,就過藍地、洪水橋屏山,咁就去到元朗。元朗北走凹頭,過米埔、新田、白石拗古洞,最尾就去到終點上水