革命唔係請客食飯

出自維基百科,自由嘅百科全書
(由革命不是請客吃飯跳轉過嚟)

革命唔係請客食飯」(國文:革命不是請客吃飯)係毛澤東1927年3月喺《湖南農民運動考察報告》發表嘅言論,意思指出革命唔可以溫柔和婉,而係應該堅決徹底。

毛澤東嘅成段言論係:革命唔係請客食飯,唔係作文,唔係畫畫繡花,唔可以咁雅緻,咁從容不迫,咁文質彬彬,咁溫良恭讓。革命就係暴動,係一個階級推翻一個階級嘅暴烈行動。日常應用就用咗頭一句代表晒成段言論。

後被收錄喺「毛語錄」,成為紅五類、紅衛兵等等嘅革命群眾批鬥走資派、國民黨嘅反骨仔、反動學術權威、國民黨特務、資產階級毒瘤前幾乎一定要大聲讀嘅語句之一,「革命不是請客吃飯」代表革命係好大件事,而且係要嚴重到爆缸嘅,唔可以攞嚟講笑嘅,更加唔可以好似請客食飯咁造作、咁客氣、咁慢慢嚟,一但開始革命就要轟轟烈烈咁做落去,唔可以畀敵人一絲休息嘅機會。