順德
出自維基百科，自由嘅百科全書
(由順德區跳轉過來)
順德喺中國廣東南面珠江三角洲，家下係佛山市嘅市轄區，叫順德區，區治大良。順德係「廣東四小虎」之一，亦都係中國大陸同廣東省最庶嘅地方之一。
目錄 |
[編輯] 地理
順德東面係番禺，南面係中山、江門同新會，西面係鶴山同高明，而北面係禪城，同南海。
[編輯] 政治
政區來講，順德係佛山市嘅一個市轄區，北便係禪城區、南海區，西便都係南海區。而市外，東北便係廣州市荔灣區，東便係番禺區，南係中山市，西南便係江門市連城區，西便係鶴山縣。
[編輯] 山
[編輯] 水
北江水由南海入順德，叫河澎海，再向東南，屈返北，到扶閭海，之後又到東纍石海。北江分支，主流入番禺，過咗沙灣水，就流入珠江。另一支去到板沙海入中山。[1]
西江水都由南海入順德，經甘竹灘水分支，東支去到板沙海同北江支流會合。另一支過仰船岡，到仰船海，過江門新會作海。[1]
[編輯] 史
順德係大明設嘅縣，叫順德縣。佢原本廣州府南海縣嘅大良堡。開縣時部份新會縣嘅地拆咗畀佢。當時南有馬寧巡檢司，北有紫泥巡檢司。西有江村巡檢司，後尾搬去西北查浦。北有都寧巡檢司，後尾搬去都粘堡。東南便有馬岡巡檢司，後尾廢咗[2]。
大清時經已好富庶。當時縣治響容奇，有一個縣丞。又設紫泥、江村、馬寧，北都寧四巡司。光緒二十三年，大清同英國簽中英緬甸條約，其中響西江邊開甘竹商埠。[1]
民國都劃分都無乜大變，直至中華人民共和國成立，順德經過好多次同其他地方分合，亦曾變做縣級市，叫順德市。最後，2003年起變成佛山市下面一個區，是為順德區。
大良係順德管治中心，而順德境內有唔少河涌，土地肥沃，所以漁農業都好發達。中國1980年代改革開放之後，因為佢響香港有唔少人原藉順德，所以有唔少香港廠家響度起工廠，投入資金，令佢成為南方一個輕工業重鎮，其中以電器最出名。
[編輯] 注
| 中華人民共和國廣東省行政區 （省會：廣州市） |  |
||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||
