顧嘉煇
出自維基百科，自由嘅百科全書
顧嘉煇，BBS（英文：Joseph Koo，1933年—）係出名嘅香港作曲家，係粵語流行曲嘅重要創作人，有香港歌壇教父之稱。顧嘉煇到今日創作咗超過1,200首作品，當中唔少係膾炙人口，到今日仍被奉為經典嘅電視劇主題曲。
[編輯] 生平
顧嘉煇十七歲由廣州落到嚟香港，曾跟隨家姐賣唱搵食。六十年代，顧嘉煇攞咗邵逸夫資助，喺美國波士頓栢克萊音樂學院（Berklee College of Music）留學。返到香港就喺邵氏同埋嘉禾專作電影配樂，並且加入無綫電視做音樂總監。
佢喺七、八十年代創作眾多電視劇主題曲，掀起[[粵語流行曲。當中佢相當多嘅佳作都係由黃霑作詞。呢個後來被稱為「煇黃」嘅組合到今日仍受到誇讚。後來「煇黃」組合拆夥，顧嘉煇移民加拿大，黃霑亦因病退出樂壇。2004年尾，黃霑因病行先一步，顧亦有返香港拜祭佢。
顧嘉煇喺1982年獲英女皇授不列顛帝國員佐勳章（MBE），1998年獲香港特區政府授銅紫荊勳章。顧氏所得其他獎項多不勝數，較重要嘅包括香港作曲及作詞家協會音樂成就大獎，香港電台十大中文金曲最高榮譽獎（金針獎前身），亞洲電影節最佳音樂、歌曲，香港電影金像獎，台灣金馬獎等等。
[編輯] 主要作品
顧嘉輝所作嘅曲超過1200首，佢有一個稱號叫樂壇教父。
- 《天這樣藍》（2007年） 詞／張美賢 曲／顧嘉煇 唱／李克勤、小剛——無線電視與CCTV電視劇《歲月風雲》主題曲
- 《獅子山下》（1979年） 詞／黃霑 曲／顧嘉煇 唱／羅文——香港電台電視劇《獅子山下》主題曲
- 《上海灘》（1980年） 詞／黃霑 曲／顧嘉煇 唱／葉麗儀——無線電視電視劇《上海灘》主題曲
- 《萬般情》詞／黃霑 曲／顧嘉煇 唱／葉麗儀
- 《親情》（1980年） 詞／黃霑 曲／顧嘉煇 唱／羅文——無線電視電視劇《親情》主題曲
- 《女黑俠木蘭花》（1981年） 詞／鄭國江 曲／顧嘉煇 唱／葉麗儀——無線電視電視劇《女黑俠木蘭花》主題曲
- 《心債》（1982年） 詞／黃霑 曲／顧嘉煇 唱／梅艷芳——無線電視電視劇《香城浪子》主題曲
- 《難為正邪定分界》（1982年） 詞／鄭國江 曲／顧嘉煇 唱／原唱葉振棠、麥志誠——無線電視電視劇《飛越十八層》主題曲
- 《倆忘煙水裡》（1982年） 詞／黃霑 曲／顧嘉煇 唱／關正傑、關菊英——無線電視電視劇《天龍八部之虛竹傳奇》主題曲
- 《一生有意義》、《桃花開》、《千愁記舊情》、《肯去承擔愛》（1983年） 詞／黃霑 曲／顧嘉煇 唱／羅文、甄妮——無線電視電視劇《射雕英雄傳之東邪西毒》主題曲及插曲
- 《世間始終你好》（1983年） 詞／黃霑 曲／顧嘉煇 唱／羅文、甄妮——無線電視電視劇《射雕英雄傳之華山論劍》主題曲
- 《忘盡心中情》 詞／黃霑 曲／顧嘉煇 唱／葉振棠——麗的電視電視劇主題曲
- 《狂潮》 詞／黃霑 曲／顧嘉煇 唱／關菊英——無線電視電視劇主題曲
- 《當年情》（1986年） 詞／黃霑 曲／顧嘉煇 唱／張國榮——電影《英雄本色》主題曲
- 《奔向未來的日子》（1987年） 詞／黃霑 曲／顧嘉煇 唱／張國榮——電影《英雄本色II》主題曲
