顧太清

出自維基百科,自由嘅百科全書
顧太清
姓名原文顧春
出生日1799年 喺Wikidata改呢個
出生地北京 喺Wikidata改呢個
死亡日c. 1877年 喺Wikidata改呢個
國籍大清 喺Wikidata改呢個
母語中文 喺Wikidata改呢個
識嘅語言中文 喺Wikidata改呢個
職業詩人作家 喺Wikidata改呢個
配偶Yihui 喺Wikidata改呢個
仔女Zaizhao、Zaichu 喺Wikidata改呢個

顧太清1799年1877年嘉慶四年己未正月初五光緒三年丁丑十一月初三)係大清滿洲鑲藍旗人,係嗰陣時拍得住納蘭性德詞人。本來佢係西林覺羅氏嘅,原名鄂春,後尾改姓,名,字梅仙,亦字子春太清,晚雲槎外史;佢重成日叫自己做太清春太清西林春雲槎外史

身世同生平[編輯]

顧太清係清初大學士文端公鄂爾泰個侄甘肅巡撫鄂昌個孫女。太清好細時,阿爸阿媽就死咗。雍正乾隆時,鄂爾泰同張廷玉兩派成日鬥來鬥去,太清阿爺鄂昌就係咁受到胡中藻詩獄株連,重逼到要自盡,連家產都充公埋。

太清後生時好辛苦,要由京都流落咗去江南,重喺遁嚟遁去,住過下。太清廿六歲結婚,但只係做人細婆。家想洗清「罪人之後」呢個唔光彩嘅背景[1],就借啲意話太清係榮府護衛個女,重偷偷地同佢改埋姓顧。

太清老公係奕繪1799年1838年嘉慶四年己未正月十六日─道光十八年戊戌七月七日),字子章,又叫做幻園居士,係清高宗乾隆第五個仔榮純親王永琪個孫、榮恪郡王綿億個仔。永琪個老婆,係鄂爾泰個仔鄂弼個女,所以太清、太素兩公婆一早就有親戚關係,佢哋間中都有來往下;咁都未算,佢哋呢啤都好鍾意詩詞,間唔中都唱和下,收尾重結埋婚。太清有七十九歲命。

藝術特徵[編輯]

太清成日用記事,用講情。佢嘅作品有三種特徵:

  • 文筆同意義上,講求語言通俗易明,文筆簡潔流暢,唔多用典;無乜咬文嚼字,但字裏行間就流露出深刻嘅含義。佢嘅作品咁感人,唔使講都知佢叻喺邊嘞。
  • 神緒同埋境界上,響形同神、景同情、事同理呢啲範疇,由淺入深,由表及裏,由近到遠,由細見大。咁樣來達到渾然一體嘅境界。
  • 結構同埋靈氣方面,唔執着一字一句嘅尖巧,但講求成篇嘅結構同埋靈氣,要一波三折、一氣呵成,渾然一體咁樣。

學術成就[編輯]

太清、太素兩公婆,都叻,又掂,重中意吟詠。佢哋兩公婆酬唱嘅作品,感情深,數量又大,係中國文學史上罕見嘅。

太清好出名,開講都有話「滿族詞人,男中成容若(納蘭性德),女中太清春」。太清一二十歲就開始寫詩,經歷過嘉慶道光咸豐同治光緒足足五朝,嗰時清代由盛轉衰;重有,佢充分體現過滿族官宦人家嘅奢華、人間嘅艱酸、婚姻嘅美滿,以至後期嘅孤寡。所以,佢咁豐富嘅詩詞創作,就反映咗人生際遇、社會狀況,同埋個人嘅思想情懷嘞。佢嘅作品重紀錄咗封建滿族家庭嘅盛衰變遷,就係咁,佢六十年嚟嘅創作生涯就有好大嘅成就嘞。

太清寫過《天遊閣集》、《東梅漁歌》、《紅樓夢影》等等嘅詩詞同埋一啲小說留傳後世。

[編輯]

  1. 有個講法係,太清避忌滿人漢化,同埋姑侄結婚呢件事,所以改姓顧。[1] 互聯網檔案館歸檔,歸檔日期2021年3月1號,. 又有種講法,佢由蘇州姑姐嗰家人湊大,就跟埋姑丈姓顧。[2] 互聯網檔案館歸檔,歸檔日期2007年9月28號,. 但係,呢啲講法都唔妥。(參考《顧太清 奕繪合集》)

參考[編輯]

  • 《顧太清 奕繪合集》,[清]顧太清、奕繪著,張璋編校,上海古籍出版社

睇埋[編輯]

出面網頁[編輯]

維基文庫入面呢位作者嘅作品: