風球

出自維基百科,自由嘅百科全書
跳去: 定向搵嘢

風球,簡稱,正式名稱叫熱帶氣旋警告,係香港天文台當發現有熱帶氣旋影響香港嗰陣向市民發出嘅警告。

而家風球分為1號(波)、3號(波)、8號(波)、9號(波)同10號(波)五種。

因為夜晚睇唔到風球,所以會掛信號燈代替,而隨住時代進步,市民可以由唔同途徑攞到詳細嘅風球同有關嘅天氣信息,呢啲重要嘅信息都係信號站唔能夠提供。

香港天文台亦由2002年起唔再「懸掛」同「除下」風球同埋信號燈,改為透過其他途徑「發出」同「取消」風球。[1]

現行風球[編輯]

香港用緊嘅風球如下:

標誌[2] 夜間燈號
(由上至下)
意義 應變措施
一號戒備信號 Typhoon01.png 白白白 有一個颱風喺香港800公里入面,陣間可能影響香港。 如要出街,應記得有嗰颱風而家喺度接近香港,晏啲可能影響你嘅出街計劃。
留意最新嘅颱風消息。
三號強風信號 Typhoon03.png 綠白綠 香港近海平面處而家或可能會普遍吹強風
持續風力每小時41至62公里,陣風可能超過每小時110公里,而且風勢可能持續。
風球發出之後12嗰鐘入面香港風力會普遍加強,
離岸海域同埋高地風勢更可能達烈風程度。
應該將易被吹倒嘅物件嘅嘢縛緊。
將易被吹走嘅物件嘢搬回室內。
檢查同保持坑渠暢通。
留意進一步嘅風暴消息。
八號烈風或暴風信號 Typhoon08NW.pngTyphoon08SW.png
Typhoon08NE.pngTyphoon08SE.png
白綠綠(西北)
綠白白(西南)
綠綠白(東北)
白白綠(東南)
香港近海平面處而家或可能會普遍吹烈風暴風
並且由風球(東北、東南、西北、西南)所指方向吹埋黎,
持續風力去到每小時63至117公里,陣風可能超過每小時180公里,同埋風勢可能持續。
應該喺烈風出現之前搞掂防風措施。
鎖實門窗,整牢窗板同大閘。
喺當風嘅大玻璃後面貼膠紙。
遠離當風嘅窗,揀間房喺嗰窗爆個陣用黎躲避。
停止一切水上活動。
九號烈風或暴風風力增強信號 Typhoon09.png 綠綠綠 烈風暴風風力將會加強得好明顯。 唔好出街,保持喺室內安全地方,遠離當風嘅門窗,以免被碎片擊中而整親。
如果門窗爛咗,應該等喺安全情況之下先去整。
如果已身在戶外,應該搵個安全嘅地方躲避,直至颱風過後為止。
十號颶風信號 Typhoon10.png 紅綠紅 風力而家或將加強至颶風程度,
持續風力每小時118公里以上,陣風可能達每小時220公里。
颱風將正面吹襲香港。
當風眼經過嗰陣,風勢可能會突然平靜,維持數分鐘至數小時;
然後強風突然喺另一邊吹埋黎,本來俾屏蔽嘅地區會變成食風。
停留喺安全地點,切勿出街。

舊風球[編輯]

香港風球初時只有方位,同分三百英里內同外。方向用向上向下圓錐圓球圓筒組合來表示。三百英里外用紅色,三百英里外,用黑色。另有緊急風球,係十字[3]

日頭掛風球,會掛響訊號山船政司署九龍倉添馬艦青洲[3]

方向 風球(三百英里外) 風球(三百英里內)
紅上錐 ArrowUp.svg黑錐
東北 紅上錐及筒 黑上錐及筒
紅筒 黑筒
東南 紅下錐及筒 黑下錐及筒
紅下錐 黑下錐
西南 紅下錐及球 黑下錐及球
西 紅球 黑球
西北 紅上錐及球 黑上錐及球

當打風去到全速,會掛緊急風球,掛喺水警總部船政司署。呢個風球,高過晒其他風球訊號[3]

風球
黑十字 三下炮,隔十秒一炮。

夜晚掛燈號,會掛喺水警總部船政司署添馬艦[3]

號數 打直三燈
I (一) 三百英里以外 綠綠綠
II(二) 三百英里以內 綠紅綠
III(三) 風力全速 紅綠紅 有炮響

另有七個站,日頭會掛圓錐。通知本港嘅船[3]

參考[編輯]

  1. 長洲信號站停止懸掛熱帶氣旋及強烈季候風信號(2001年12月31號)
  2. 各種風球信號和夜間燈號
  3. 3.0 3.1 3.2 3.3 3.4 Typhoon signals. The China Mail. 1911-10-11.