颱風巨爵 (2009年)
| 颱風 （JMA） | |||
|---|---|---|---|
| 1級 颱風 （SSHS） | |||
| 中度颱風 （CWB） | |||
 喺2009年9月14號03:20（UTC）嘅熱帶風暴巨爵 |
|||
| 形成 | 2009年9月9號 | ||
| 消散 | 2009年9月17號 | ||
| 最高風速 |
|
||
| 最低氣壓 | 960百帕斯卡 | ||
| 財產損失 | |||
| 死亡人數 | |||
| 影響地區 |  帛琉 菲律賓 香港Template:MACAU  中國大陸 |
||
| 呢篇文係2009年太平洋颱風季嘅一部分 | |||
呢篇文章係喺2009-09-15翻譯自zh:颱風巨爵 (2009年) 嘅中文版本。
颱風巨爵（英文：Typhoon Koppu，菲律賓大氣地理天文部門：Nando，國際編號：0915，JTWC：15W）係2009年太平洋颱風季嘅一個熱帶氣旋。
目錄 |
[編輯] 發展過程及路徑
9月9號，喺帛琉西北約370公里（250英里）形成咗一個熱帶低氣壓。9月11號，日本氣象廳將巨爵升格做熱帶低氣壓。9月12號，菲律賓大氣地理天文部門改名叫做Nando；23時，菲律賓大氣地理天文部門報告巨爵喺菲律賓伊沙貝拉省登陸。不過，日本氣象廳同埋聯合颱風警報中心報告話巨爵並冇登陸，只係橫過呂宋。9月13號，聯合颱風警報系統升做熱帶低氣壓。巨爵係9月13日移去南海北部之後，日本氣象廳將呢個風升格做熱帶風暴，再喺第二日升格做強烈熱帶風暴。之後，巨爵強度迅速提升，同日朝早十一點，日本氣象廳把巨爵升格為強烈熱帶風暴，無幾耐，同日下晝5點55分已經升格為颱風。喺登陸江門市上川島之前，最高持續風速更高達每小時140公里，實際上已經係聯合颱風警報中心2級颱風嘅程度，但當局升格巨爵做1級颱風化後就冇再升。
[編輯] 影響
[編輯] 香港
- 嗰邊發佈最高熱帶氣旋警告信號：
八號東北烈風或暴風信號 / 
八號東南烈風或暴風信號
9月13號，香港天文台喺20時35分發出一號戒備信號，宣稱位於南海北部嘅熱帶低氣壓已增強為一個熱帶風暴，但係日本氣象廳並唔承認。喺21時，呢個熱帶風暴集結喺香港之東南約530公里，預料向西北偏西移動，時速約20公里，靠近廣東海岸[2]。
9月14號，香港天文台喺11點15分改發三號強風信號，16時宣佈將會喺18時前改發八號信號，之後喺17點55分改發八號東北烈風或暴風訊號。喺21時，颱風巨爵集結係香港以南大約150公里，預料向西北或西北偏西移動，時速約18公里，移向廣東西部海岸[3]。
9月15號00時35分，香港天文台發出八號東南烈風或暴風信號取代八號東北烈風或暴風信號。再喺3點55分發出黃色暴雨警告同埋新界北水浸特別報告[4]。巨爵喺15號2時至4時最接近香港，距離係140公里，中心風力亦已達巔峰狀態嘅140公里／小時[1]。風暴襲港期間，共有28個市民受輕傷[5]。香港天文台喺10點三改發三號強風信號。
[編輯] 澳門
9月13號夜晚6點45分，澳門地球物理暨氣象局懸掛一號風球。地球物理暨氣象局呼籲市民做好防風措施[6]
。
9月14號下晝1點半，地球物理暨氣象局改掛三號風球[7]，重話會喺夜晚9時或以前改掛八號風球。下午時份，氣象局發出黑色風暴潮警告，喺第日凌晨零時開始生效，預料第日清晨5點，水位將會高過內港路面1.1米。預料受影響地區分別係內港、沙梨頭、青洲、關閘、台山、下環、新橋、西灣湖、筷子基、司打口、媽閣、新馬路中段至康公廟前地、三盞燈、紅街市、高士德、營地大街、葡文學校、下環街市、祐漢街市同黑沙環。離島嘅氹仔舊城區同路環市區亦可能受風暴潮影響。夜晚7點，颱風巨爵集結喺澳門東南180公里。8點半，氣象局改掛八號東北風球。所有巴士、渡輪陸續停止服務。
9月15日0時，颱風巨爵集結喺澳門南大約110公里（約北緯 21.2 度，東經 113.6 度），以時速16公里嘅速度向西北偏西移動[8]。氣象局預料八號烈風或暴風訊號將最少維持到15號清晨。受颱風巨爵影響，澳門有幾到電壓唔穩，有啲大廈電力斷咗幾次。清晨4點15分至4點38分期間，西灣大橋電力亦一度中斷[9]。民防中心話，澳門市面出現十幾宗塌石屎、簷蓬、棚架、樹木倒塌同招牌、窗戶搖搖欲墜事故，有13人入住收容中心；風暴造成5人受傷、140多宗塌樹同塌棚架事故、近1700戶一度停電2個鐘[10]。淩晨3點，地球物理暨氣象局改掛八號東南風球。再喺9點半改掛三號風球同取消所有風暴潮警告。所有風球最後喺下晝4點除下。
巨爵喺15號淩晨3點最近澳門，只係距離70公里[11][12]。巨爵係颱風，入咗澳門100公里警戒範圍，技術上已經係「一股颱風正面吹襲」，而且澳門市面亦已經大致吹暴風，嘉樂庇總督大橋更加錄得颶風程度嘅持續風速[13]，澳門其實可以懸掛九號風球。但係呢個情況只係維持咗一段短時間，之後巨爵亦喺4點開始遠離澳門[14]，氣象局於是無掛九號風球。
[編輯] 中國大陸
截至9月15號淩晨2點45分，廣東省共有4縣市發佈橙颱預警、14縣市發佈黃颱預警。中國氣象局指風暴喺15號朝早7點喺廣東省台山市北陡鎮登陸。廣東東南沿海等地，由13號夜晚開始有狂風暴雨，而廣東省氣象局喺14號夜晚10點半啟動颱風應急預案二級[16]響應，之後又將應急預案提升到最高嘅一級[17]。
9月14號下晝4點半開始，琼州海峽全綫停航，連接海南同廣東嘅粵海鐵路輪渡同時倒航，海口港有928架車同3877位旅客滯留。到16號清晨6點45分，琼州海峽全綫復航，滯留旅客亦都全部疏散[18]。
[編輯] 參考
- ↑ 1.0 1.1 過去嘅位置同強度 (zh-hk)。 香港天文台 (2009-09-15)。 喺2009-09-15揾到。
- ↑ 現時生效警告 (zh-hk)。 香港天文台 (2009-09-13)。 喺2009-09-13揾到。
- ↑ 天氣稿第222號 - 熱帶氣旋警報 (zh-hk)。 香港天文台 (2009-09-14)。 喺2009-09-14揾到。
- ↑ 天文台發出黃雨及新界北水浸特別報告 (zh-hk)。 商業電台 (2009-09-15 04:01(UTC+8))。 喺2009-09-15揾到。
- ↑ 風暴下28人輕傷近250人入住臨時庇護站 (zh-hk)。 商業電台 (2009-09-15 06:19(UTC+8))。 喺2009-09-15揾到。
- ↑ "本澳懸掛一號風球", 《即時新聞》, 2009年9月13日 19:01(UTC+8).
- ↑ "下午1時30分改掛三號風球", 《即時新聞》, 2009年9月14日 12:23(UTC+8).
- ↑ "巨爵大致趨向廣東西岸", 《即時新聞》, 2009年9月15日 00:20(UTC+8).
- ↑ "下午1時30分改掛三號風球", 《即時新聞》, 2009年9月15日.
- ↑ 引用錯誤 無效嘅
<ref>標籤； 無文字提供於名為cr2嘅參照 - ↑ "巨爵凌晨兩時距澳90公里", 《即時新聞》, 2009年9月15日 02:21(UTC+8).
- ↑ "本澳仍然懸掛八號風球（上午3時距澳70公里）", 《即時新聞》, 2009年9月15日 03:10(UTC+8).
- ↑ "2009-09-15 03:12 的實時天氣", 2009-09-15.
- ↑ "巨爵逐漸靠近本澳（上午4時距澳80公里）", 《即時新聞》, 2009年9月15號 04:11(UTC+8).
- ↑ 現時颱風預警信號 (zh-cn)。 廣東省氣象局 (2009-09-14)。 喺2009-09-14揾到。
- ↑ 热带风暴“巨爵”直扑我省而来 台风Ⅱ级应急响应启动 (zh-cn)。 廣東省氣象局 (2009-09-14)。 喺2009-09-14揾到。
- ↑ 引用錯誤 無效嘅
<ref>標籤； 無文字提供於名為sina嘅參照 - ↑ 琼州海峡全线复航 (zh-cn)。 新华网。 喺2009-09-16揾到。
[編輯] 連出去
- （英文） 香港紅磡碼頭喺巨爵吹襲時嘅情況
| 前任： 熱帶風暴彩虹 (2009年) |
香港 一號戒備信號 |
繼任： 颱風凱薩娜 (2009年) |
| 前任： 熱帶風暴蘇迪羅 (2009年) |
澳門  一號風球 |
繼任： 颱風凱薩娜 (2009年) |
| 前任： 熱帶風暴彩虹 (2009年) |
香港 三號強風信號 |
繼任： 颱風燦都 (2010年) |
| 前任： 熱帶風暴蘇迪羅 (2009年) |
澳門  三號風球 |
繼任： 颱風凱薩娜 (2009年) |
| 前任： 強烈熱帶風暴天鵝 (2009年) |
香港    八號烈風或暴風信號 |
繼任： 最新一次 |
| 前任： 強烈熱帶風暴天鵝 (2009年) |
澳門     八號風球 |
繼任： 最新一次 |
