颱風莫拉克 (2009年)

出自維基百科,自由嘅百科全書
跳去: 定向搵嘢
颱風莫拉克(0908)
颱風  (JMA
1級 颱風  (SSHS
中度颱風 (CWB
颱風莫拉克嘅衛星圖像

颱風莫拉克嘅衛星圖像
形成 2009年8月2號
消散 2009年8月11號
最高風速
140 km/h(75 節)
(10分鐘平均風速)
150 km/h(80 節)
(1分鐘平均風速)
最低氣壓 945hPa
財產損失 總共至少34億美元
死亡人數 12死(菲律賓)
619死76失蹤(台灣

[1]
6死3失蹤(中國大陸

影響地區 Flag of the Philippines.svg 菲律賓
台灣 台灣
Flag of the People's Republic of China.svg 中國
呢篇文係2009年太平洋颱風季嘅一部分
莫拉克嘅路徑圖

颱風莫拉克英文Typhoon Morakot,菲律賓大氣地理天文部門:Kiko,‎國際編號:0908JTWC09W)係2009年太平洋颱風季嘅一個熱帶氣旋

莫拉克係泰國畀嘅熱帶氣旋名,喺2002年開始用,意思係綠寶石

發展過程及路徑[編輯]

2009年8月2號日本氣象廳報告2009年第十一個熱帶低氣壓喺菲律賓東邊約1000公里(620英里)形成[2][3]。當日個熱帶低氣壓依然微弱,日本氣象廳喺當日稍後嘅發布中降低咗佢嘅影響區域。[4][5]然而,2號稍晚日本氣象廳報告佢再形成熱帶低氣壓[6]8月3號,佢進入菲律賓大氣地理天文部門嘅負責範圍,菲律賓大氣地球物理和天文部門將熱帶低氣壓改名做Kiko。當日稍後迅速離開佢哋嘅負責範圍。喺日本氣象廳改名做莫拉克之後,莫拉克升級做熱帶風暴。聯合颱風警報中心選定莫拉克嘅編號係09W。8月4號莫拉克折回並且再進入菲律賓大氣地理天文部門負責範圍。


  • 8月5號20時30分,中華民國交通部中央氣象局開始發佈颱風警報,並將莫拉克升格為中度颱風。
  • 8月6號14時00分,已經形成颱風眼,持續增強。14時30分,中華民國中央氣象局發佈首次超大豪雨特報。
  • 喺8月6日18時00分,中國中央氣象台發佈颱風紅色警報,亦係2009年首個颱風紅色警報。[7]
  • 8月7號23時50分喺台灣花蓮縣登陸,8月8日14時由桃園縣出海。
  • 8月9號迫近中國嘅颱風莫拉克,移動緩慢,16時20分喺福建省霞浦縣北壁鄉再次登陸,登陸時颱風中心氣壓970百帕,近中心最大風速33米/秒,相當於12級[8]。隨後移動速度稍為加快。隨住莫拉克迫近,浙江同福建兩省共疏散接近100萬人,7萬幾艘船回港避風。浙江蒼南縣嘅降雨量超過250毫米[9]
  • 8月10號05時30分,中華民國交通部中央氣象局解除颱風警報並持續發佈豪雨特報。
  • 8月11號凌晨減弱為熱帶性低氣壓。

各地影響[編輯]

喺颱風莫拉克下,菲律賓多處嚴重水浸

菲律賓[編輯]

當地發佈最高熱帶氣旋警告信號:1級信號(30-60km/h風速)

2009年8月6日16時,菲律賓大氣地理天文部門提高咗風暴信號警告。1級信號(30-60km/h風速)警戒地方係巴丹群島省巴布延群島卡加延省。雖然莫拉克並非正面靠近菲律賓,但受外圍雨帶強風影響,呂宋北部連場暴雨,引發洪水同埋山泥傾瀉,至少12人死,包括3個法國行山客[10][11]

台灣[編輯]

莫拉克颱風侵襲台灣時,撞正1959年台灣史上最嚴重水患——八七水災50週年。又因為喺8月8號時莫拉克喺南部多處降下刷新歷史紀錄嘅大雨,又叫八八水災。截至9月8號為止,已至少造成619人死、76人失蹤,農業損失超過新台幣164億元[1],係台灣氣象史上傷亡最慘重嘅侵台颱風,所造成嘅農業損失亦僅次於颱風賀伯

當地發佈最高熱帶氣旋警告信號:海上陸上颱風警報

八八水災[編輯]

臺南縣曾文溪堤坊被大水沖毀,沿岸淹水嚴重;圖片顯示災過水退後,以沙包製成臨時堤防
總統府下半旗,為八八水災罹難者致哀
國軍協助佳冬鄉嘅災後復原
災後泥濘嘅高雄縣旗山市區(8月10號)
軍隊喺臺南縣下營鄉協助清理災區
台16線濁水溪橋斷裂,7車15人墜溪
八八水災中沖毀嘅台鐵南迴線太麻里溪橋

八八水災[14]2009年8月6號8月10號間發生喺台灣南部東南部嘅嚴重水災,起因係颱風莫拉克侵襲台灣所帶來創紀錄嘅雨勢,造成前述地區發生水患同土石流,係台灣由1959年八七水災以來最嚴重嘅水患,並引發著名觀光景點阿里山南橫公路多處坍崩,另外高雄縣甲仙鄉小林村滅村事件,更導致幾百人被活埋。

8.8水災關愛行動[編輯]

8.8水災關愛行動英文Artistes 88 Fund Raising Campaign)係香港演藝人協會等機構,因應颱風莫拉克引發台灣八八水災而舉辦嘅一項賑災活動,2009年8月17號香港國際機場旁邊嘅亞洲國際博覽館舉行。

中國大陸[編輯]

浙江/福建/江西/安徽[編輯]

當地發佈最高熱帶氣旋警告信號:Red typhoon alert.png 颱風紅色預警信號

福建省中北部沿海) 福建省氣象台喺8月6日對中北部沿海地區首先發出颱風藍色預警信號,8月7日上晝改發黃色預警,12點18分[15]升為第二高級別嘅橙色預警信號,再喺8月8號6點兩個字[16]發出最高級別嘅颱風紅色預警信號。8月9號,受颱風莫拉克影響,一艘超過3萬噸嘅大型貨輪,凌晨喺寧德市青山島附近擱淺,船上8名船員正等待救援。目前,船舶同埋船員情況穩定,未發生燃油洩漏。寧德市海上搜救中心有關負責人話,會喺條件許可嘅前提下將各人救走。截至12點,浙江省已發生公路塌方大約3萬方,沖毀涵洞14條。因淹水同塌方等原因交通中斷,經搶修目前重有兩條省道、16條縣道中斷。

韓國[編輯]

8月11日20時,熱帶風暴莫拉克集結喺首爾之西南約680公里,預料向東北或東北偏北移動,時速約22公里,橫過黃海,並會略過朝鮮半島南部。

其他影響[編輯]

香港[編輯]

部分香港去台灣嘅航班取消。8月7號,受到颱風莫拉克嘅外圍下沉氣流影響,香港天氣酷熱,下晝大部分地區氣溫上升至33度。黃大仙屯門沙田大埔西貢更上升至34度或以上。莫拉克進入長江口一帶後,莫拉克嘅暴風圈快速變得鬆散,相關嘅雨帶同消散咗嘅熱帶氣旋天鵝合併為一個低壓槽,為廣東沿岸帶嚟雷雨。

澳門[編輯]

多班去澳門同台灣嘅航班停航、延遲。

日本[編輯]

那霸機場有200幾班航機因颱風而取消或者延遲。

參考資料[編輯]

  1. 1.0 1.1 災害應變處置報告. 行政院災害防救委員會. 2009-09-08. 喺2009-09-08搵到; (中文(台灣)‎). 
  2. JMA WWJP25 Advisory 02-08-2009 00z. 日本氣象廳. 2009-08-02. 喺2009-08-02搵到; (英文). 
  3. Significant Tropical Weather Advisory 03-08-2009 00z. 聯合颱風警報中心. 2009-08-03. 喺2009-08-03搵到; (英文). 
  4. JMA WWJP25 Advisory 02-08-2009 06z. 日本氣象廳. 2009-08-02. 喺2009-08-02搵到; (英文). 
  5. JMA WWJP25 Advisory 02-08-2009 12z. 日本氣象廳. 2009-08-02. 喺2009-08-02搵到; (英文). 
  6. JMA WWJP25 Advisory 02-08-2009 18z. 日本氣象廳. 2009-08-02. 喺2009-08-02搵到; (英文). 
  7. [1]
  8. [http://www.fjqx.gov.cn/document.aspx?id=6229
  9. 莫拉克移速加快迫近福建浙江. 澳門電台即時新聞. 2009-08-09. 喺2009-08-09搵到; (中文(香港)‎). 
  10. 菲國暴雨成災12死6港客獲救蘋果日報,2009年8月8號
  11. 十一點晚間新聞,無線電視,2009年8月7號
  12. 豪(大)雨特報. 中央氣象局. 2009-08-10. 喺2009-08-10搵到; (中文(台灣)‎). 
  13. 中央氣象局 颱風警報單. 中央氣象局. 2009-08-06. 喺2009-08-06搵到; (中文(台灣)‎). 
  14. 八八水災特別報導-萬丹水淹半層樓 獨家直擊華視新聞
  15. 福建省氣象台發佈颱風橙色預警中國氣象局,2009年8月7號 12:18(UTC+8)
  16. 颱風紅色預警信號,福建省氣象台,2009年8月8號 06:10(UTC+8)

連出去[編輯]

風暴短片[編輯]

2009年太平洋颱風季熱帶氣旋
08
日本氣象廳颱風等級
TD TS STS TY



香港天文台颱風等級
TD TS STS T ST SuperT



* PAGASA名
# JTWC編號
^ 其它氣象台