香港交通

出自維基百科,自由嘅百科全書
跳去: 定向搵嘢
交通繁忙嘅香港島告士打道

香港擁有高度發展而又複雜嘅交通網絡,主要由鐵路巴士小巴的士渡輪以及由公路同埋隧道等組成嘅道路網。同其他國際大城市一樣,香港同樣有交通擠塞、舊市區道路設計過時、汽車流量過高等問題。香港有90%市民使用公共交通工具,比率係全世界最高。另外,香港亦係全球人均擁有最多名貴私家車嘅城市之一。

陸上交通[編輯]

道路網[編輯]

內文: 香港道路

根據香港政府路政署公佈,全港道路總長度係1,848公里。當中香港島佔433公里,九龍佔448公里,新界佔1,057公里。香港嘅道路網,大致上可以分為公路橋樑同埋隧道

香港擁有多條快速公路同埋連接路,組成9條主要幹線,連接新界九龍以及香港島。此外,香港共有1,088條行車天橋同埋橋樑,以及12條行車隧道

公共交通服務[編輯]

鐵路[編輯]

內文: 香港鐵路運輸

香港嘅主要鐵路系統港鐵香港鐵路有限公司營運。港鐵主要營運來往中國內地區域鐵路同埋喺新界新市鎮九龍香港島以及大嶼山新市鎮之間穿梭嘅城市軌道交通系統,以及往返昂坪吊車系統。除咗呢間公司之外,重有兩間公司分別營運喺香港島北岸行嘅電車及接駁太平山山頂嘅纜車系統。

港鐵[編輯]
內文: 港鐵

現時,港鐵共有9條市區及近郊路綫、連接機場嘅路綫、輕鐵系統同埋纜車系統,源自香港地鐵同埋九廣鐵路

電車[編輯]
內文: 香港電車

香港電車有限公司營運行走港島西區堅尼地城至東區筲箕灣,以及跑馬地之間嘅電車服務。全長13公里,共7個總站同埋123個分站,港人又稱之為「叮叮」。

纜車[編輯]
內文: 山頂纜車

營運行走港島中環紅棉路至太平山山頂之間嘅纜車服務。全長1.4公里,共6個車站。

巴士[編輯]

內文: 香港巴士

巴士係香港最主要公共交通工具。香港嘅巴士主要分為3個類別:專營巴士、非專營巴士同埋公共小型巴士。

專營巴士[編輯]
九巴嘅低地台單層巴
九巴嘅雙層普通巴士,俗稱「熱狗」

香港共有5間專營巴士公司,提供近700條巴士路線服務。專營巴士喺香港嘅歷史請睇香港巴士歷史

5間專營巴士公司如下:

非專營巴士[編輯]

香港嘅非專營巴士服務由唔同嘅私營巴士公司提供。主要為紓緩市民主要喺繁忙時間對專營巴士同埋專線小巴服務嘅需求,同埋喺一啲專營巴士同埋專線小巴行並唔符合營運效益嘅地區提供服務,應付乘客需求。

公共小型巴士[編輯]
內文: 香港公共小巴

公共小型巴士(俗稱「小巴」)係鐵路同埋巴士以外嘅主要輔助交通工具。現時法例規定只可以有4,350架小巴營運,每架小巴可以載16人。公共小型巴士分為兩類:

公共小型巴士
綠色專線小巴
公共小巴(紅色小巴) 綠色專線小巴(綠色小巴)

的士[編輯]

內文: 香港的士
香港紅色石油氣的士 - Toyota Comfort

香港嘅的士分為三類:市區的士、新界的士同埋大嶼山的士。現時香港共有18,138架的士,包括15,250架市區的士、2,838架新界的士同埋50架大嶼山的士。

  • 市區的士
俗稱「紅的」,架車係紅色嘅。除咗大嶼山東涌道同埋南大嶼山嘅道路之外,市區的士可以喺香港九龍新界任何一區以及大嶼山東涌赤鱲角機場迪士尼樂園同埋深圳灣口岸管制站(港方管制區)接載乘客。
  • 新界的士
俗稱「綠的」,架車係綠色嘅。新界的士基本上只可以喺新界區營運,當中又局限喺屯門區元朗區大埔區北區沙田區嘅馬鞍山同埋香港中文大學,以及西貢區大部分地區(將軍澳除外)營運。另外,新界的士可以以指定路線接載乘客往返荃灣港鐵站威爾斯親王醫院沙田馬場觀塘區順利邨赤鱲角機場嘅客運大樓同埋地面運輸中心、機場快綫青衣站坑口港鐵站將軍澳醫院迪士尼樂園以及深圳灣口岸管制站(港方管制區)
  • 大嶼山的士
俗稱「藍的」或者「大嶼山的」,架車係藍色嘅。大嶼山的士只可以喺大嶼山範圍營運,包括赤鱲角機場同埋迪士尼樂園。

非公共交通工具[編輯]

陸上跨境交通[編輯]

過境管制站[編輯]

現時香港境內設有6個陸路過境管制站連接中國廣東省深圳市,包括位於羅湖落馬洲嘅鐵路管制站以及位於落馬洲文錦渡沙頭角同埋深圳市蛇口嘅四個車輛口岸。

目前4個陸路車輛管制站嘅車流量以落馬洲居首,達到每月1,022,465架次(2006年9月數據),其次係文錦渡嘅240,000多架次,連同沙頭角嘅70,000幾架次,每月大約有134萬幾架次嘅車經各個陸路管制站出入境。

目前,只有落馬洲管制站(大陸稱為皇崗口岸)提供24小時通關,其餘口岸通關時間分別係:

羅湖管制站:上晝06:30至凌晨零時
落馬洲支綫管制站:上晝06:30至夜晚22:30
文錦渡管制站:上晝07:00至夜晚22:00
沙頭角管制站:上晝07:00至夜晚20:00
深圳灣口岸管制站:上晝06:30至凌晨零時

註:由於歷史因素,同埋喺大多數情況下,香港特區政府將有關出入境通道稱為「管制站」,而中國政府就叫「口岸」。

接駁交通[編輯]

專營巴士

由九龍巴士營運嘅76K、276B、N76同埋N277線(後兩者為通宵服務)提供來往位於香港新田落馬洲公共交通轉車站以及北區同埋元朗區嘅專營巴士服務,畀乘客喺落馬洲轉皇崗口岸—落馬洲過境穿梭巴士服務去深圳皇崗

經文錦渡或沙頭角出入境嘅乘客只可以搭過境穿梭巴士出入境。

經深圳灣出入境嘅乘客可以搭城巴B3或B3X線以及嶼巴B2線分別來往屯門元朗

港鐵東鐵綫落馬洲站出入境嘅乘客可以搭九巴B1線或小巴75來往元朗。

專線小巴

落馬洲轉車站設有以下新界小巴路線:

  • 44B 落馬洲轉車站往來屯門碼頭循環線(服務時間:上晝06:30至夜晚10:59)
  • 44B 落馬洲管制站單向往屯門碼頭(通宵服務時間:夜晚11:00至第二日朝早06:30)
  • 77 落馬洲轉車站往來天頌苑(服務時間:上晝06:00至夜晚11:50)
  • 78 落馬洲轉車站往來八鄉路(服務時間:上晝06:40至凌晨12:00)
  • 79S 落馬洲管制站往來天水圍(通宵服務時間:夜晚11:10至第二日朝早06:30)
  • 616S 落馬洲管制站往來旺角(通宵服務時間:夜晚10:25至第二日朝早06:30)

深圳灣設有新界小巴路線618來往天水圍。

的士

新界同埋市區的士均可以接載乘客去落馬洲公共交通轉車站以及深圳灣同埋落馬洲站。

過境巴士[編輯]

皇崗口岸—落馬洲過境穿梭巴士(簡稱「皇巴士」)提供24小時穿梭巴士服務來往香港落馬洲公共交通轉車站同埋深圳皇崗口岸之間,每5至10分鐘一班。巴士經香港落馬洲口岸,乘客要落車辦出入境手續再繼續行程。穿梭巴士只係喺香港境內、香港及深圳之間道路行駛,唔會入深圳範圍。

落馬洲過境巴士線係政府喺2004年8月16號起批出嘅6條過境直通巴士路線,目的係要規管過境巴士營辦商嘅超班營運同埋減少落馬洲口岸不必要嘅擠塞。路線以定點定時提供24小時服務(錦田線除外)。所有路線都來往深圳皇崗以及香港各區,路線資料如下:

路線名稱 香港總站同埋分站 營辦商
旺角線 旺角鴉蘭街 旺角跨境全日通有限公司
油尖線 柯士甸道過境巴士總站 油尖跨境快線巴士管理有限公司
佐敦佐敦道(往九龍方向)
觀塘線 藍田站巴士總站 官塘跨境快線巴士管理有限公司
觀塘創紀之城五期(往皇崗方向)
觀塘道九龍灣站(往皇崗方向)
觀塘道牛頭角下邨(往九龍方向)
觀塘裕民中心(往九龍方向)
灣仔線 灣仔碼頭巴士總站 灣仔跨境全日通有限公司
灣仔軒尼詩道修頓球場(日間往港島方向)
灣仔分域街皇悅酒店(深宵往港島方向)
荃灣線 愉景新城巴士總站(日間) 中港直通巴士有限公司
荃灣鐵路站巴士總站(深宵)
荃灣古屋里三棟屋博物館(日間各方向)
荃灣青山公路(深宵往新界方向)
錦田線 錦上路站巴士總站 旺角跨境全日通有限公司

直通車[編輯]

港鐵同埋內地鐵路部門城際客運服務(港人稱之為「直通車」),提供跨境火車服務,連接中國內地。服務設有三條路線,即廣東線、上海線同埋北京線,所有路線嘅港方終點站都設喺紅磡站。廣東線有兩個行走模式,一係每日多班嘅九廣通(英文叫KTT,港鐵派出)同埋藍色車廂嘅準高速(內地派出)列車,行走紅磡站東莞(常平)站*同埋廣州東站,其中一班更去到佛山站同埋肇慶站。另有隔日開出嘅上海線同埋北京線,分別前往上海站同埋北京西站,由內地調派有臥舖嘅準高速列車行,行車時間大概24個鐘。客運服務快捷、又比飛機平,有唔少港人同埋內地人搭,亦係重要嘅跨境服務。

*有啲列車唔停東莞(常平)站。

行人交通設施[編輯]

戶外行人電梯系統[編輯]

  • 中環至半山自動扶梯系統:喺1993年啟用,長大概800米,佢係由有蓋行人道、20條可轉向嘅單向扶手電梯同埋3條電動行人道所組成,以中環德輔道中嘅商業區為起點,貫穿舊樓雲集嘅住宅區至半山干德道嘅高尚住宅區,每日大概有50,000人次使用,佢獲健力士世界紀錄確認為世界最長嘅有蓋自動行人電梯系統,免費接載市民往返。

海上交通[編輯]

碼頭[編輯]

渡輪[編輯]

內文: 香港渡輪
港內線、港外線[編輯]

香港嘅渡輪服務,大部分由持牌渡輪營辦商經營。截至2003年12月,香港共有11個渡輪營辦商,合共營辦27條班次固定嘅持牌乘客渡輪航線,提供來往離島以及港內線渡輪服務。除此之外,重有兩條航線由天星小輪有限公司專營。此外,當局又發牌畀「街渡」,為持牌同埋專營渡輪兼顧唔到嘅偏遠沿海小村落提供渡輪服務。

午星號(Meridian Star) 香港天星小輪
中環尖沙咀
灣仔-尖沙咀
中環-紅磡
灣仔-紅磡
海港觀光遊(尖沙咀>中環>灣仔>紅磡>尖沙咀)
中環-長洲
中環-梅窩
中環-坪洲
坪洲-梅窩-芝麻灣-長洲
北角-紅磡
北角-九龍城
屯門東涌
中環-榕樹灣
中環-索罟灣
香港仔-北角村-榕樹灣
愉景灣-中環
馬灣-中環
馬灣-荃灣
愉景灣-梅窩
北角-觀塘
屯門-東涌-沙螺灣大澳
香港仔-索罟灣(經模達
香港仔-鴨脷洲(經:香港仔海濱)
西灣河三家村
西灣河觀塘
東龍島三家村 (香港)三家村
坪洲喜靈洲 (經:梅窩)
馬料水東平洲
馬料水深涌荔枝莊塔門高流灣赤徑黃石
黃石-高流灣塔門
香港仔 - 蒲台島
赤柱 - 蒲台島
西灣河東龍島
香港仔 - 赤柱聖士提反灣 - 蒲台島
沙頭角吉澳
過境渡輪[編輯]
噴射飛航波音929型 (Jetfoil) 水翼噴射船
新世界第一渡輪嘅 Austal 48 型雙體船

香港有四個跨境渡輪碼頭,分別係位於上環嘅港澳碼頭、尖沙咀嘅中港碼頭、屯門嘅屯門碼頭同埋機場嘅海天客運碼頭。多間公司提供來往香港至澳門同埋廣東省多個沿岸城市嘅航班服務。

空中交通[編輯]

機場[編輯]

香港國際機場客運大樓
隨住出晒名難降落,位於九龍城區啟德機場1998年停用,香港國際機場正式搬去赤鱲角,繼續成為世界上其中一個主要機場。香港國際機場更係東亞嘅航空交通樞紐,以及國泰航空公司港龍航空公司甘泉香港航空(2008年4月停業)、香港航空香港快運航空同埋華民航空嘅基地。
位於元朗嘅錦田,係駐港解放軍嘅空軍基地,不過亦有限度開放畀人學揸飛機。

航空交通服務[編輯]

直升機場[編輯]

香港有三個主要嘅直升機場,分別位於香港島港澳碼頭所在嘅上環信德中心西九龍港鐵九龍站附近同埋香港國際機場。除此之外,香港境內重有多個小型直升機坪,包括位於九龍尖沙咀半島酒店天台、位於長洲東灣海灘同埋觀音灣之間嘅直升機坪以及多間醫院嘅天台。

香港嘅直升機服務主要由港聯直升機有限公司同埋澳門亞太航空有限公司提供。兩間公司每日提供香港至澳門同埋深圳之間嘅航班服務。當中香港至澳門航班每日開出56班,堪稱世界上最頻繁嘅同類型穿梭服務。

參攷[編輯]

連出去[編輯]