香港兩棲類

出自維基百科,自由嘅百科全書
沼蛙

香港現時有23種青蛙同1種蠑螈,佢哋都統稱為兩棲類,佢哋嘅一生同濕地有莫大嘅關係。

兩棲類可以分為有尾目無尾目兩大類。有尾目嘅特徵係身體比較修長、擁有一條長尾巴同明顯嘅頸部,響水中或者陸地上生活。香港嘅原生有尾目只有香港瘰螈1種,呢種瘰螈響清澈嘅山溪生活,響香港嘅低地同高山都有分布。佔咗全中國302種兩棲動物嘅百分之八。但過去亦有人有意引入一啲外來品種,而佢哋暫時未有喺香港繼續繁殖。

品種[編輯]

香港瘰螈
花狹口蛙

保育[編輯]

雖然兩棲動物可以水陸兩棲,但佢哋仍然好倚賴水,尤其係繁殖時期。香港急速嘅城市發展破壞咗唔少兩棲動物重要嘅濕地,而咁樣會令一啲低地物種數量明顯減少,例如以前棲息響稻田嘅尖舌浮蛙Occidozyga lima)近年已經絕種。個體嘅生存,尤其係一啲較敏感嘅兩棲動物,亦受到水源污染同酸雨等威脅,因為佢哋嘅皮膚具滲透性,好容易受污染物影響。但就算係咁,一啲耐受性較高嘅品種例如沼蛙癩蝦蟆等,喺受污染環境中仍然好常見同廣泛分布。

保育方面,Fellowes et al.(2002年)確認咗香港12種需要受到關注嘅兩棲類。漁農自然護理署嘅「兩棲及爬行動物工作小組」響2002年開始進行基線調查,並根據依項嘅調查最新結果,以及通過同本地兩棲及爬行動物學家嘅交流,檢討兩棲類嘅保育狀況。最新嘅調查結果顯示,一啲兩棲動物喺以往並未完全如實記錄,因此依次檢討修訂咗具保育價值嘅兩棲動物名單,並確認咗盧氏小樹蛙棘胸蛙等喺保育上需要關注。

參考[編輯]

  • 漁農自然護理署網頁—「香港物種:兩棲類」
  • 《蛙蛙世界:香港兩棲動物圖鑑》
  • 《Hong Kong Amphibian and Reptile》

睇埋[編輯]