香港公營機構

本文屬香港政治系列
《憲法》 《基本法》
香港政府    行政長官：梁振英      行政會議    行政部門    公營機構 立法會    區議會 司法    終審法院    法律制度 - 法例
選舉 – 政黨 主權移交後政制改革 殖民地時期政制改革
港區全國人大代表 港區全國政協委員
內聯 　　 香港中聯辦 　　 港府駐京辦 　外事 　　 外交部特派員公署 　　 台港關係 　防務 　　 解放軍駐港部隊
授勳及嘉獎制度 排名表 太平紳士
其他香港系列
文化 - 經濟 歷史 - 地理 - 教育 香港主題

香港公營機構即係指由香港政府出錢成立同營運嘅半官方機構，佢哋負責特訂公共服務，或者需要較多社會人士參與嘅工作，不過就唔算係政府部門。

呢啲機構多數 (唔係全部) 都係根據法例成立（喺呢個情況入面又可以叫做法定機構或法定組織）。雖然佢哋嘅職能同政府部門好似，但唔屬於政府體系，成員亦唔算係公務員，所以會比起政府部門有較多自主權；同時又為咗確保政府對佢哋有影響力，所以主要決策者都係由政府或行政長官邀請社會人士擔任（多數係義務性質）。有啲機構雖然以商業模式運作，甚至已經上市，不過主要資本仍然屬於政府（好似地鐵有限公司、九廣鐵路公司），咁都仍然算係公營機構。

注意：公營機構同公用事業係有分別。公用事業係指提供重要公共服務嘅機構（好似電力、電話、運輸等），佢可以由私人擁有，並以盈利為目的。

職能

可分為幾類：

• 負責特定公共服務：例子有制訂公共房屋政策的房屋委員會、管理香港國際機場嘅香港機場管理局、調查同調解歧視事宜嘅平等機會委員會等，或重要嘅公共服務（例子：九廣鐵路公司）。
• 執行某些監管職能：例子有地產代理監管局。
• 作為政府的諮詢機構，為政府提供意見
• 按法例需要成立嘅上訴委員會或審裁處
• 法定嘅慈善機構
• 某些地區組織

財政來源

可分為兩類：

• 受政府經常資助：呢類機構負責需政府經常資助嘅公眾服務，好似醫療同教育。例子有管理全港公立醫院嘅醫院管理局、同大學教育資助委員會。
• 按商業原則運作：呢類機構跟商業原則運作，提供收費服務。例子有香港鐵路有限公司（大股東係香港政府）、香港機場管理局。

外部連結

• 香港政府公營機構
• 香港法定組織