香港授勳及嘉獎制度

出自維基百科,自由嘅百科全書
跳去: 定向搵嘢

Hkpol.png

本文屬香港政治系列之一
憲制文件
行政長官梁振英
政府組織架構
議會:立法會
司法機構
獨立法定機構
地方行政
相關機構
選舉
政黨
政治制度改革
中央政府香港事務機構
中央政府駐香港機構
香港對外事務機構
香港軍事
香港榮譽制度
其他香港系列
文化 - 經濟
歷史 - 地理 - 教育
香港主題

各國政治 • Portal:政治
睇吓  討論  編輯  


香港授勳及嘉獎制度香港特別行政區政府於1998年創立,目的係嘉許社會各界人士,以表揚佢哋為香港作出嘅貢獻,或者佢哋出類拔萃嘅成就;亦設有英勇勳章同各部隊獎章,嘉許個別人士。授勳名單每年7月1號香港特別行政區成立紀念日刊登《憲報》,而授勳典禮於每年10月响禮賓府舉行。

一般勳章及獎狀[編輯]

  • 大紫荊勳章(Grand Bauhinia Medal,縮寫GBM)–係頒畀畢生為香港作出重大貢獻嘅傑出人士。

紫荊星章[編輯]

  • 金紫荊星章(Gold Bauhinia Star,縮寫GBS)–係頒畀對社會有重大貢獻或積極參與公共志願服務而得到高度評價嘅人士。
  • 銀紫荊星章(Silver Bauhinia Star,縮寫SBS)–係頒畀長期擔任公共事務及志願工作領導嘅人士。
  • 銅紫荊星章(Bronze Bauhinia Star,縮寫BBS)–係頒畀長期服務於社會個別範疇並有傑出表現嘅人士。同銀紫荊星章比較,獲授銅紫荊星章嘅人士所提供嘅服務比較局限於個別範疇或方式。

榮譽勳章[編輯]

  • 榮譽勳章(Medal of Honour,縮寫MH)–係頒畀喺地區或某個範疇長期為社區服務嘅人士,亦頒授畀表現優異嘅非首長級公務員。

行政長官獎狀[編輯]

  • 行政長官社區服務獎狀(Chief Executive's Commendation for Community Service)–係頒畀喺某次行為或某項工作中表現出色,或服務社區表現卓越,但稍稍未及頒授榮譽勳章要求嘅人士。
  • 行政長官公共服務獎狀(Chief Executive's Commendation for Government/Public Service)–係頒畀喺某次行動或某項工作中表現出色,或為某部門或機構服務,表現卓越,但稍稍未及頒授榮譽勳章要求嘅公務員或公職人員。

英勇勳章[編輯]

  • 金英勇勳章(Medal for Bravery (Gold),縮寫MBG)- 係頒畀見義勇為,無懼高度危險,奮不顧身,堪稱英勇行為最高典範嘅傑出人士。
  • 銀英勇勳章(Medal for Bravery (Silver),縮寫MBS)- 係頒畀英勇非凡,堪稱典範嘅人士。
  • 銅英勇勳章(Medal for Bravery (Bronze),縮寫MBB)- 係頒畀英勇過人,殊堪嘉許嘅人士。

紀律部隊/廉政公署獎章[編輯]

卓越獎章[編輯]

卓越獎章(Distinguished Service Medals,縮寫DSM)頒畀六個主要紀律部隊同廉政公署首長級人員,表揚佢哋致力服務社會同表現卓越。獎章類別分別係:

  • 香港警察卓越獎章(Hong Kong Police Medal for Distinguished Service,縮寫PDSM)
  • 香港消防事務卓越獎章(Hong Kong Fire Services Medal for Distinguished Service,縮寫FSDSM)
  • 香港入境事務卓越獎章(Hong Kong Immigration Service Medal for Distinguished Service,縮寫IDSM)
  • 香港海關卓越獎章(Hong Kong Customs and Excise Medal for Distinguished Service,縮寫CDSM)
  • 香港懲教事務卓越獎章(Hong Kong Correctional Services Medal for Distinguished Service,縮寫CSDSM)
  • 政府飛行服務隊卓越獎章(Government Flying Service Medal for Distinguished Service,縮寫GDSM)
  • 香港廉政公署卓越獎章(Hong Kong ICAC Medal for Distinguished Service,縮寫IDS)

榮譽獎章[編輯]

榮譽獎章(Medal for Meritorious Service,縮寫MSM)頒授予六個主要紀律部隊同廉政公署各級人員,表揚佢哋忠於職守,作出寶貴貢獻。呢啲人能力過人、成就卓越,行為堪稱典範。獎章類別分別係:

  • 香港警察榮譽獎章(Hong Kong Police Medal for Meritorious Service,縮寫PMSM)
  • 香港消防事務榮譽獎章(Hong Kong Fire Services Medal for Meritorious Service,縮寫FSMS)
  • 香港入境事務榮譽獎章(Hong Kong Immigration Service Medal for Meritorious Service,縮寫IMSM)
  • 香港海關榮譽獎章(Hong Kong Customs and Excise Medal for Meritorious Service,縮寫CMSM)
  • 香港懲教事務榮譽獎章(Hong Kong Correctional Services Medal for Meritorious Service,縮寫CSMSM)
  • 政府飛行服務隊榮譽獎章(Government Flying Service Medal for Meritorious Service,縮寫GMSM)
  • 香港廉政公署榮譽獎章(Hong Kong ICAC Medal for Meritorious Service,縮寫IMS)

長期服務獎章及加敘勳扣[編輯]

  • 長期服務獎章 - 係頒畀品格同行為良好,服務滿18年,期間表現良好嘅紀律部隊人員。
  • 長期服務獎章加敘第一勳扣 - 係頒畀品格及行為良好,服務滿25年,期間表現良好嘅各部隊人員。
  • 長期服務獎章加敘第二勳扣 - 係頒畀品格及行為良好,服務滿30年,期間表現良好嘅各部隊人員。
  • 長期服務獎章加敘第三勳扣 - 係頒畀品格及行為良好,服務滿33年,期間表現良好嘅各部隊人員。

嘉獎等級[編輯]

  1. 大紫荊勳章(GBM)
  2. 金紫荊星章(GBS)
  3. 金英勇勳章(MBG)
  4. 銀紫荊星章(SBS)
  5. 銀英勇勳章(MBS)
  6. 各部隊卓越獎章:
    1. 香港警察卓越獎章(PDSM)
    2. 香港消防事務卓越獎章(FSDSM)
    3. 香港入境事務卓越獎章(IDSM)
    4. 香港海關卓越獎章(CDSM)
    5. 香港懲教事務卓越獎章(CSDSM)
    6. 政府飛行服務隊卓越獎章(GDSM)
    7. 香港廉政公署卓越獎章(IDS)
  7. 銅紫荊星章(BBS)
  8. 銅英勇勳章(MBB)
  9. 各部隊榮譽獎章:
    1. 香港警察榮譽獎章(PMSM)
    2. 香港消防事務榮譽獎章(FSMSM)
    3. 香港入境事務榮譽獎章(IMSM)
    4. 香港海關榮譽獎章(CMSM)
    5. 香港懲教事務榮譽獎章(CSMSM)
    6. 政府飛行服務隊榮譽獎章(GMSM)
    7. 香港廉政公署榮譽獎章(IMS)
  10. 榮譽勳章(MH)
  11. 各部隊長期服務獎章及加敘勳扣:
    1. 香港警察長期服務獎章及加敘勳扣
    2. 香港輔助警察長期服務獎章及加敘勳扣
    3. 香港消防事務長期服務獎章及加敘勳扣
    4. 香港懲教事務長期服務獎章及加敘勳扣
    5. 香港入境事務長期服務獎章及加敘勳扣
    6. 香港海關長期服務獎章及加敘勳扣
    7. 政府飛行服務隊長期服務獎章及加敘勳扣
    8. 香港廉政公署長期服務獎章及加敘勳扣
    9. 醫療輔助事務長期服務獎章及加敘勳扣及醫療輔助事務長期服務金章
    10. 民眾安全服務隊長期服務銅章、銀章、金章和白金章
  12. 行政長官社區服務獎狀
  13. 行政長官公共服務獎狀

授勳及嘉獎提名[編輯]

各局局長同部門首長响每年收到授勳評審委員會秘書處發出嘅一份呼籲提名通告之後,就擬備授勳及嘉獎嘅提名,提交授勳評審委員會考慮。為擴大提名範圍,當局會鼓勵各局同部門同埋佢相關嘅非政府機構尋求提名。另外,公眾人士直接提交授勳評審委員會秘書嘅提名,亦會轉交有關嘅局或者部門處理。授勳及嘉獎嘅名單,經由授勳評審委員會推薦,最後由行政長官批准。

頒授英勇勳章嘅提名可以响年內任何時間進行,並應响有關嘅英勇事件發生之後盡早提交畀授勳評審委員會審議。當局可以响特別行政區成立紀念日授勳名單中公布頒授英勇勳章,或响其後嘅適當時間另行公布。

長期服務獎章同加敘勳扣係頒授畀品格堪稱典範、行為良好,並服務咗若干年,期間表現良好嘅紀律部隊人員。廉政公署長期服務獎章同紀律部隊長期服務獎章嘅提名係由所屬嘅紀律部門首長提交畀行政長官批核。

統計數字[編輯]

勳章或獎狀 1997 1998 1999 2000 2001 2002 2003 2004 2005 2006 2007 2008 2009 2010 2011 2012 2013
大紫荊勳章 12 4 5 5 3 4 0 0 2 3 4 4 3 7 2 6 4
金紫荊星章 - 13 17 17 20 18 20 15 7 6 9 8 12 12 16 16 9
金英勇勳章 - 2 2 3 1 1 1 1 1 3 2 2 0 2 3 0 0
銀紫荊星章 - 18 26 17 19 25 22 23 20 21 25 24 28 23 30 36 23
銀英勇勳章 - 0 5 2 5 1 8 1 2 0 6 0 0 0 0 0 0
卓越獎章 - 9 4 10 9 11 6 11 12 11 8 9 10 10 9 8 7
銅紫荊星章 - 34 33 47 43 46 44 63 38 47 46 45 43 42 54 56 56
銅英勇勳章 - 4 3 8 3 0 4 7 0 0 10 1 1 0 0 0 0
榮譽獎章 - 42 47 57 49 49 54 56 55 49 47 47 41 42 43 44 45
榮譽勳章 - 38 57 66 60 69 75 76 65 61 60 74 59 63 71 64 73
行政長官社區服務獎狀 - 42 53 53 43 45 64 75 47 42 47 38 111 51 80 47 51
行政長官公共服務獎狀 - 24 17 34 17 25 25 49 24 34 21 19 136 54 24 18 69
總數 12 230 269 319 272 294 323 377 273 277 285 271 444 306 332 295 337

褫奪機制[編輯]

為咗維持授勳制度具高度完善持正水平,如果獲授勳/嘉獎人士嘅行為,會對佢應否繼續擁有呢個勳銜/獎狀構成疑問,例如因被定罪而入獄一年或以上,無論有冇得到緩刑,或者作出影響授勳及嘉獎制度嘅名聲嘅行為,當局會考慮係唔係須禠奪佢個勳銜/獎狀。授勳評審委員會秘書處會處理獲悉嘅褫奪勳銜/獎狀個案。每宗個案須由行政長官親自批准,並會响憲報公告。當局會將獲授勳或嘉獎人士個名由授勳名單中剔除,並收返佢個勳章/獎狀。

香港特別行政區自成立以嚟,先後有四人嘅勳章被褫奪,其中洪承禧胡詠紀蔣世昌都係曾經因貪污罪行入獄,政府响2012年11月2號刊憲宣佈將呢三名人士從特區授勳及嘉許名單中除名[1]梁淑貞就响2012年獲裁定欺詐罪成坐監15個月,政府响2014年1月10日刊憲將梁淑貞從特區授勳及嘉獎名單中剔除[2]

參考[編輯]

  1. 香港政府憲報第16卷第44期第7055號公告
  2. 香港政府憲報第18卷第2期第129號公告

睇埋[編輯]

出面網頁[編輯]