香港政區

出自維基百科,自由嘅百科全書
跳去: 定向搵嘢

香港政區香港區議會、以前市政局區域市政局、同埋立法局各個選舉嘅地方劃分。未有選舉之前,香港政府響行政上各部門會因應自己需要劃分,到家下仍然有呢個彈性。

香港政區圖

法定分區史[編輯]

分區嘅作用[編輯]

1963年開始編成嘅法定分區,係香港現時嘅基本分區。而法定分區,就係香港人地址上嘅分區,香港政府部門,好似規劃處、消防局,都係參考法定分區來行政。好似香港立法會,區議會分區都係基於法定分區而編成。好似1995年嘅立法會分區,港島中區,就係而家區議會灣仔區同埋東區西面嘅結合(1997年前嘅香港立法會各區分區同埋區議會好唔同,睇香港立法會同埋佢嘅備註)。

而香港嘅地址都係以法定分區,而唔係區議會或者其他行政分區來寫嘅,好似銅鑼灣維多利亞公園嘅法定地址係銅鑼灣興發街1號,唔係東區維園分區興發街1號。而政府行政部門執法會參考而家區議會分區,同埋其他分區。

而家跟港鐵站名而成嘅通俗分區,好似天后炮台山同埋彩虹,無經過立法而成,只係口頭上嘅稱呼,唔可以用喺正式文件上面。由1963年起各年的香港年報,以下係1963年嘅法定分區,而法定分區或有變動,但亦會印喺香港年報上[1]

1960年代香港市區就有法定分區,但新界到1980年代至有。

市區[編輯]

香港早期政區最出名係四環九約,係香港首府維多利亞城嘅管治分界。而其他地方因為人口無咁多,重係鄉村,就無分得咁仔細。

1963年,當時將維城同九龍分做40幾個區(District)。維城西起,摩星嶺(Mount Davis)、堅彌地城(Kennedy Town)、薄扶林(Pok Fu Lam)、西區(Western District)、半山區(Mid Levels)、山頂(Peak)、西營盤(Sai Ying Pun)、中區(Central District)、灣仔(Wan Chai)、跑馬地(Happy Valley)、銅鑼灣(Causeway Bay)、北角(North Point)、鰂魚涌(Quarry Bay)、筲箕灣(Sau Kei Wan)同埋柴灣(Chai Wan)。

而九龍西起,有昂船洲(Stonecutters Island)、荔枝角(Lai Chi Kok)、長沙灣(Cheung Sha Wan)、(北長沙灣)、深水埗(Sham Shui Po)、旺角(Mong Kok)、石硤尾(Shek Kip Mei)、油蔴地(Yau Ma Tei)、尖沙嘴(Tsim Sha Tsui)、京士柏(King's Park)、何文田(Ho Man Tin)、九龍塘(Kowloon Tong)、紅磡(Hung Hom)、馬頭角(Ma Tau Kok)、黃大仙(Wong Tai Sin)、九龍城(Kowloon City)、香港機場啟德)(Hong Kong Airport (Kai Tak))、新蒲崗(San Po Kong)、佐頓谷(Jordan Valley)、牛頭角(Ngau Tau Kok)、觀塘(Kwun Tong)、油塘(Yau Tong)、以及鯉魚門(Lei Yue Mun)。

九龍東北鑽石山(Diamond Hill (Area))同牛池灣(Ngau Chi Wan (Area))都係區,不過因為佢重係半鄉郊,所以歸做地方(Area)。鑽石山同黃大仙以沙田坳道為界。而牛池灣西界係五百呎等高綫。重有黃大仙、九龍塘、石硤尾三區以北劃做龍翔道地方(Lung Cheung Road Area)。當時九龍灣重填緊海,未成一區。油塘同鯉魚門伸到去將軍澳西岸[1]

之後到1970年代市政局改制,裏面分區就成為市區區議會選擇分界嘅藍本。

新界[編輯]

新界方面,去到1980年代初,就用當其時理民府分區荃灣沙田大埔元朗屯門西貢,同埋上水粉嶺沙頭角打鼓嶺上粉沙打)夾埋嘅北區做劃分,新界區議會亦以呢個做藍本。

區議會分區[編輯]

現時香港區議會主要分做18個政區。

香港島[編輯]

九龍同埋新九龍[編輯]

新界西[編輯]

新界東[編輯]

[編輯]

  1. 1.0 1.1 Hong Kong Government Press. Hong Kong 1963. The Government Printer. 1964.  已忽略未知參數|subtitle= (詳情)