香港用嘅時間叫做香港時間，全年都係協調世界時加八個鐘頭 (UTC+8)。香港時間同中國標準時以及澳門時間一樣。香港時間同以前用嘅中原標準時都係一樣。
1941年至1979年間，曾經行過夏令時間，但係1980年香港天文台認為香港緯度比較低，唔使用夏令時間，所以取消咗夏令時間。
殖民地時代早期，香港時間係靠天文台嘅天文觀測報時。直至1904年，格林尼治標準時間成為咗香港時間嘅標準。1972年更開始改用協調世界時做標準。
