香港有線電視新聞台

出自維基百科，自由嘅百科全書
跳去: 定向、 搵嘢
Translation arrow zh.svg
 呢篇文或者呢段要翻譯。請譯咗佢。（翻譯指引）
上次編輯：2013年4月23號 09:20。

香港有線電視新聞台（i-CABLE News Channel、以前叫有線電視新聞二台），係香港第一個24小時報道即時新聞嘅電視頻道同埋喺香港最中立同較專業嘅新聞台。新聞台除咗24小時不斷報道本地同埋國際新聞之外，各節新聞內容重包括財經、體育、天氣同埋交通消息等等。有線新聞台成立之後，各電視台紛紛效法，成立自己嘅新聞台，包括無綫電視嘅無綫新聞台、亞洲電視嘅24小時亞視新聞台、香港寬頻bbTV嘅香港新聞台，同埋now寬頻電視嘅now新聞台。

目錄

[編輯] 歷史

  • 1993年，有線電視新聞台（非現有同名頻道）啟播，播放新聞報道同埋資訊節目。
  • 1995年，香港有線電視將當時嘅新聞台一分為二，其中新聞二台全日播放每半小時一節嘅新聞報道，原有財經資訊節目就安排喺新聞一台播放。
  • 2002年4月8日，有線數碼新聞中心正式啟用，完全使用數碼化新聞製播系統。有線電視嘅北京新聞中心亦都正式啟用。
  • 2006年1月3日，配合新聞一台嘅重組同改名，新聞二台重新命名為新聞台。
  • 2007年有線新聞曾經系列報道槍擊案之謎、日本對談、法證檔案、瞬間十年、十七大會議同埋區議會焦點選區等等。

[編輯] 新聞報道

新聞報道每半小時一節，於每小時00同埋30分開始播映，呢個台而家大多數時段都係以直播嘅形式播映。而在非直播嘅時段，財經報價重有天氣同埋時間資訊列唔會跟隨重播，仍然會即時更新。

咁多個新聞時段就係咁樣：

時間 新聞時段 場景 主播數目
6:00 - 9:00 Cable早晨
（星期一至五）		 電腦設計嘅虛擬場景
（星期一至五）		 2位（星期一至五）
早晨新聞
（星期六同埋禮拜）		 直播室（星期六同埋禮拜） 1位（星期六同埋禮拜）
9:00 -12:00 上午要聞 直播室 1位
（10:00-10:05同財經資訊台聯播嘅
交易所直播室環節由1位財經主播主持）
12:00 -14:00 午間通訊 直播室 1位
（12:45-13:00同財經資訊台聯播嘅
交易所直播室環節由1位財經主播主持）
14:00 -18:00 下午要聞 直播室 1位
18:00 -19:00 有線新聞 電腦設計嘅虛擬背景 1位
19:00 -19:30 新聞最前線 直播室 1位（星期一至五）
2位（星期六同埋禮拜）
（另加1位體育主播喺電腦設計嘅虛擬背景主持）
19:30 -20:00 2位主播同埋1位體育主播
（星期六同埋禮拜體育主播會喺電腦設計嘅虛擬背景主持）
20:00 -21:00 國際最前線 直播室 2位（星期一至五）
1位（星期六同埋禮拜）
21:00 -22:00 晚間新聞 直播室 2位（唔係公眾假期嘅星期一至五）
1位（星期六、禮拜日同埋公眾假期）
（另加1位體育主播喺電腦設計嘅虛擬背景主持）
22:00 -23:00 國際最前線 直播室 1位
23:00 -23:30 十一點最前線 直播室 1位主播同埋1位體育主播
23:30 -00:00 十一點半最前線 直播室 1位主播同埋1位體育主播
00:00 - 1:00 午夜最前線 直播室 1位主播同埋1位體育主播
1:00 - 6:00 深夜直播室 直播室 1位

[編輯] 新聞時段簡介

逢星期一至五喺觀眾返工返學之前報道朝早最新嘅消息同資訊。
  • 早晨新聞
星期六同日報道晨早國際、香港凌晨同部分之前嗰晚嘅焦點新聞。
  • 上午要聞
係嗰日專題報道嘅開始，亦開始重點報道嗰日嘅新聞。
  • 午間通訊
係中午嘅黃金新聞時段。
  • 下午要聞
係下晝嘅新聞時段。
  • 有線新聞
係晚間嘅黃金時段。
係新聞台嘅晚間黃金時段，報道焦點新聞，喺呢個時段會有較多戶外直播。
  • 國際最前線
首節報導國際新聞，並設有中英雙語字幕。但當本地有重要消息，仍然會首先報道焦點新聞。
  • 晚間新聞
係晚間嘅新聞時段。
  • 十一點最前線、十一點半最前線、午夜最前線
報道焦點新聞、並獨有體育extra環節，亦有明日焦點同明日天氣提示。
  • 深夜直播室
由一位主播報道國際及香港之前一日嘅新聞。

[編輯] 黃金時段

有線新聞台每日嘅黃金時段係同第1台嘅聯播時段，喺呢段時間嘅新聞內容，會有較多戶外直播，而19:30-20:00嘅新聞最前線，就係全日重點嘅黃金時段。

有線新聞用作大型直播嘅車輛

各節新聞環節重包括：

  • 財經速遞（星期一至五9:15, 9:45, 10:00 [嗰時係港股開市時段], 10:35, 11:05, 11:35, 12:20, 12:45[嗰時係交易所直播室時段], 13:20, 13:50, 14:15, 14:45, 15:15, 15:45, 16:15, 16:45, 17:20, 17:50, 18:55, 21:25, 21:55, 23:25, 00:15, 00:45, 1:15, 1:45, 2:15, 2:45, 3:15, 3:45, 4:15, 4:45, 5:15, 5:45; 星期六6:15, 6:45, 7:15, 7:45, 8:15, 8:45, 9:15, 9:45）
  • 體育快訊（每個鐘嘅20同50分 [除咗星期一至五18:00-19:00及20:00-21:00]）
  • 天氣消息（每個鐘嘅25同55分）
  • 天氣報告（星期一至五18:25, 20:25, 20:55）
由香港天文台科學主任主持，為觀眾講解香港同華南地區嘅天氣狀況，亦會有詳盡嘅天氣預報。
  • 交通消息（朝早繁忙時間）
透過自設或者運輸署嘅戶外攝影機，了解香港各區即時路面情況。
  • 今日社評（星期一至五9:20, 9:50, 11:15, 11:45）
由嗰日嘅深夜直播室主播作旁述，以淺白嘅字眼概述各香港報章嘅社評同社論。
  • 足球戰報（星期日同星期一10:15, 10:45, 12:15, 12:45 [星期日], 14:15, 14:45）
由體育主播主持，詳細報道各足球賽事同聯賽，等觀眾了解各球隊形勢。
  • 警察快訊（星期日8:15, 8:45, 11:15, 11:45）
由新聞主播同警察督察主持，宣揚防止罪案嘅訊息。
  • 回看一周（星期六及星期日）
喺廣告前後以無旁白嘅形式播出，重溫一周時事。

而當突發事件、記者會、特別活動或者儀式發生同進行時，新聞台會暫停播映以上嘅新聞環節，並由主播同埋記者即時透過直播畫面，作詳盡的旁述同埋報道。

[編輯] 合作

有線新聞台同台灣嘅中天新聞台同埋東森新聞台合作，取得電視台無附加字幕嘅新聞片段，經剪輯後喺新聞台播放。喺台灣有大型事件進行時，更可以用嗰兩個台嘅衛星訊號作直播。

喺2007年3月中，新聞台多位台前幕後工作人員，到台灣東森新聞台考察兩日，了解台灣電視新聞嘅運作。

此外，喺香港大型選舉進行前，好似2007年香港特別行政區行政長官選舉、2007年香港立法會港島選區補選，有線新聞台都會同港大民意研究計劃合作，進行民意調查。

[編輯] 主播台

自啟播以來，新聞台曾經喺2002年數碼新聞中心啟用嗰時換過主播台一次，之後一直用到而家。

而家嘅主播台前一共有四部攝影機，喺晚間黃金時段分別由右側拍攝左面主播、由左側拍攝右面主播、喺正中間以新聞中心作背景、同時拍攝兩位主播同埋由高空拍攝。而喺其他以直播室作背景嘅時段，開始同埋/或者完嗰時攝影機就會分別由左側或右側遠距離拍攝主播，並會分別用正中間或右側攝影機以新聞中心或左側主播台作背景。

[編輯] 資訊列

螢幕上方除台徽外，亦會並排顯示即時天氣狀況、各天氣警告訊號、溫度、濕度及時間。下方會以藍底白字、循環滾動嘅形式提供新聞摘要。喺直播新聞台有直播或重播節目時，會作出提示，提醒觀眾收睇。

有突發或重大新聞時，下方資訊列會以藍底黃字顯示事態嘅最新發展，而左方同/或右方亦會有灰底白字垂直顯示。

[編輯] 仿製潮流

有線電視新聞台嘅鏡面設計佈局鮮明簡潔，成為咗民間虛擬／假扮性就電視節目「偽截圖」畫面風格範本嘅選擇，例子有：

[編輯] 睇埋

[編輯] 出面網頁

由 "http://zh-yue.wikipedia.org/w/index.php?title=香港有線電視新聞台&oldid=776255" 收