香港海防博物館

出自維基百科,自由嘅百科全書
跳去: 定向搵嘢
香港海防博物館

香港海防博物館位於香港筲箕灣東喜道,全館面積約34,200平方米,係香港歷史博物館分館之一,由康樂及文化事務署管理,係由具百年歷史嘅舊鯉魚門炮台修建而成。

歷史[編輯]

香港海防博物館
皇家炮兵紀念碑,原置於香港墳場
添馬艦嘅船錨
中央炮台資料

鯉魚門炮台建成於1887年,炮台主要由堡壘、士兵營房、彈藥庫、炮彈裝配室同煤倉等組成。堡壘中央建有露天廣場,供士兵集散之用。堡壘內配備兩門6後裝「隱沒式」大炮,四周並建有壕溝。英軍另外响堡壘附近修築多座炮台,包括反向炮台、中央炮台、西炮台同渡口炮台,依山勢由東至西分佈於岬角上。各炮射程不一,可完全覆蓋成個鯉魚門水道。1890年,英軍更喺岬角海邊建成布倫南魚雷發射站,係當時世界上最具威力水下武器之要塞。

但係,响隨後的30多年間,香港並未沒受到攻擊,鯉魚門嘅海防武器一直無用武之地。到咗1930年代,由於武器技術嘅改進以及其他新炮台相繼落成,鯉魚門炮台响香港海防上嘅重要性遂逐漸減退。

1941年12月8號日軍開始進攻香港。喺新界九龍淪陷後,守軍立即加強鯉魚門嘅防禦力,防止日軍從魔鬼山經鯉魚門渡過維多利亞港。守軍曾多次擊退日軍嘅突襲,但佢們最終亦被打敗咗,要塞於12月19號被日軍佔領。响香港光復後,呢個要塞已唔再係戰略要點,所以成為咗英軍嘅操練場。直至1987年,鑑於要响1986年8月起東區走廊第三期,呢處嘅軍事設施正式停用。

市政局鑑於鯉魚門炮台嘅歷史價值同建築特色,於1993年決定將佢修復,並改建成一所以香港海防歷史為主題嘅博物館。成項計劃耗資約3億港元,由建築署設計同興建,其建築設計曾於2000年榮獲香港建築師學會周年大獎 – 銀等獎,與及綠化都市顯才華銀等獎 – 綠化效果。香港海防博物館於2000年7月25號正式開放畀市民參觀,同年8月31號正式舉行開幕禮,為鯉魚門炮台嘅歷史揭開咗新嘅一頁。

設施[編輯]

香港海防博物館主要分為三個區域,接待區、堡壘同埋古蹟徑,從有接近100年歷史嘅鯉魚門炮台改裝而成。博物館嘅歷史建築有一個好大嘅露天廣場,獨一無二嘅建築設計, 再加上其他原始嘅建築物料,為遊客提供一種舒適同埋古色古香嘅感覺。堡壘被改裝做永久展覽走廊,包括明朝清朝、前殖民地時期、日治時期、後殖民地時期及回歸後嘅香港防衛歷史。

香港海防博物館展出400多件藏品全部均與香港嘅海防歷史有關,包括:槍械、大砲、手提武器、軍服同紡織品等。藏品全部屬於香港歷史博物館,另外又有超過20件珍貴文物係從中國國內同香港文博單位借展而來嘅。

建築[編輯]

  1. 堡壘:於1887年興建,係鯉魚門要塞嘅核心地點。
  2. 中央炮台:於1887年建成,展覽嘅大炮闊7呎、射程達3,600米。
  3. 西炮台:於1887年建成,展覽兩門於金鐘發掘出來嘅闊9呎嘅大炮、射程達5,400米。
  4. 布倫南魚雷發射站:於1892年1894年分別建成,是英軍喺海外佔領地嘅最後一次起好嘅建築。
  5. 鯉魚門渡口炮台:於1892年興建,呢座炮台係用嚟防止快艇、魚雷嘅突襲。

開放時間[編輯]

  • 星期一至星期三、星期五至星期日:上午10時至下午5時
  • 逢星期四、農曆新年年初一及年初二休館

入場費[編輯]

  • 標準票:10元(適用於成人及未合乎購買優惠票者)
  • 優惠票:5元(適用於全日制學生、殘疾人士及60歲或以上人士)
  • 團體票:7元(20人或以上)

註:

  1. 博物館入場證及週票持有人 免費入場
  2. 4歲以下兒童無須購票
  3. 逢星期三免費入場

公共交通[編輯]

博物館停車場[編輯]

博物館設有私家車停車場,由上午10時至下午5時開放(逢星期四、農曆新年年初一及年初二除外)。每位參觀者可免費停車3小時。

出面啲頁[編輯]