香港百五蚊紙係喺香港出嘅紀念銀紙，2009年首次推出，值150蚊。
2009年，渣打銀行為紀念香港分行成立150周年，推出百五蚊紀念銀紙，發行量一百萬張，包括單張、四連張及三十五連張。2009年10月1號起喺渣打銀行香港各分行開賣，單張賣288蚊，自選冧巴888蚊，100張特別冧巴會攞去拍賣，收益會攞去捐。
銀紙以藍色做基，背面剪影係唔同年代香港人，所有冧巴都係SC開頭。
2015年3月，匯豐銀行為慶祝成立150周年，推出百五蚊紀念銀紙，發行量二百萬張。
