香港立法會

出自維基百科,自由嘅百科全書
跳去: 定向搵嘢

Hkpol.png

本文屬香港政治系列之一
憲制文件
行政長官梁振英
政府組織架構
議會:立法會
司法機構
獨立法定機構
地方行政
相關機構
選舉
政黨
政治制度改革
中央政府香港事務機構
中央政府駐香港機構
香港對外事務機構
香港軍事
香港榮譽制度
其他香港系列
文化 - 經濟
歷史 - 地理 - 教育
香港主題

各國政治 • Portal:政治
睇吓  討論  編輯  

香港特別行政區立法會(簡稱立會英文Legislative Council,LegCo)係香港立法機構。立法會而家有70個議席,每屆任期 4 年(香港主權移交後第一屆立法會嘅任期係兩年)。喺政權移交前叫做立法局。響香港基本法草擬期間,亦有指佢做立法機關。

歷史[編輯]

英國殖民地[編輯]

立法會大樓
香港立法會標誌

香港1841年1月26日起一直到1997年6月30日都係英國嘅殖民地,第一份憲法係由維多利亞女皇以《英皇制誥》形式頒布,叫做《香港殖民地憲章》,1843年6月26日喺總督府公布。呢份憲章訂定成立立法局,授權「在任嘅總督……喺取得立法局嘅意見後……制定同埋通過為維持香港嘅和平、秩序同良好管治……而不時需要嘅所有法律及條例。」。喺1917年頒布取代咗1843年憲章嘅英皇制誥,喺份文本入面嘅「的意見」之後加入「及同意」呢類重要字眼。

立法會最初成立嗰陣叫做定例局,後來改做立法局。最初係由三個部份組成,分別係嚟自政府三司嘅“當然議員”、由政府官員出任嘅“官守議員”,同埋由民間人士出任嘅“非官守議員”。除咗當然議員之外,其餘成員都係由港督委任。

1843年8月砵甸乍總督宣布委任官守議員加入立法機關。三位官守議員(即係話擔任緊某種官職咁解)分別係莊士敦(前護理總督)、摩理臣(商務總監中文秘書兼傳譯員)同埋金尼(首席裁判司)。

1844年1月11日,立法局舉行第一次會議。1844年2月26日,通過咗第一條香港法例。1845年3月7日,立法會跟據《1843年皇室訓令》第6條,制定同時通過咗第一份《香港立法機關會議規則及常規》。

1850年,委任兩位太平紳士代表大衛·渣甸約瑟·艾德格成為頭兩位非官方議員。1857年,再委任多兩位官方議員同一位非官方議員。1884年,擴大立法局嘅成員人數到七位官方議員同五位非官方議員,其中包括一位華人伍才(又叫做伍廷芳)。1896年,進一步擴大立法局嘅成員人數到八位官方議員同六位非官方議員。1929年,立法局總共有10位官方議員同八位非官方議員,其中包括三位華人同一位籍人士。

1960年代,香港經歷因文革而引發嘅六七暴動,政府一方面推出香港節呢類文化活動嚟安撫民心,另一方面又籌備代議政制,令市民有參與政制嘅機會。1967年,立法局成員人數增加到26位,官守同非官守議員各佔13位。1973年,人數增加到46位。1980年,增加到50位。喺1984年政府推出代議政制綠皮書,詳細列出立法會民主化嘅過程,重正式就立法局引入民選議席諮詢公眾。1985年立法局搬到位於中環嘅舊最高法院大樓,重第一次推行間接選舉。由於立法局嘅間接選舉同埋當時主要由民選議員組成嘅市政局都極為成功,好多泛民主派成員都要求政府喺1988年引入直接選舉議席,當時叫做「八八直選」。點知政府最後推出嘅代議政制白皮書竟然將第一次直選嘅時間推遲到1991年,令泛民主派失望。1985年,通過《立法局(權力與特權)條例》,令立法會嘅權力大大提高。1991年,成員人數增加到60位。

1991年立法局第一次直接選舉舉行,香港第一個政黨香港民主同盟(即係今日嘅民主黨前身)成立。由於聯票效應,令民主派大獲全勝。立法局入面嘅非官守議員為咗對抗民主派,以免議會被控制,成立咗「啟聯資源中心」,即係今日嘅自由黨前身。

彭定康政改方案[編輯]

最後一任港督彭定康1992年上任後,第一份施政報告就出咗份政改方案,喺1995年,即係最後一屆香港立法局選舉入面大幅度增加直選議席,又加多咗九個功能組別(即係所謂嘅「新九組」),令中方好不滿,國務院港澳事務辦公室主任魯平重鬧彭定康係「香港歷史上嘅『千古罪人』」,宣佈放棄「直通車」(即係話原本中英雙方協議最後一屆立法局議員可以全部過渡成為特區第一屆立法會議員);重決定「另起爐灶」,喺香港特別行政區籌備委員會之下成立預備工作委員會,同埋成立香港臨時立法會(簡稱臨立會),用嚟喺第一屆特區立法會成立之前,可以通過晒一啲特區成立時「必不可少」嘅法律。但係臨立會1996年成立一直到香港回歸之前,港府都唔承認呢個會,結果呢個會變咗做非法組織,令到參加臨立會會議等如非法集會,所以喺回歸之前臨立會要走到上深圳開會,搞到好多議員都要深港兩頭走。

中國特區[編輯]

九七政權移交[編輯]

1997年7月1日,香港特別行政區成立,立法局改名做立法會。最後一屆殖民地時期立法局議員全部「落車」,中國政府成立臨時立法會

政權移交後[編輯]

1998年,舉行第一屆正式立法會選舉。2000年,舉行第二屆立法會選舉。2004年,舉行第三屆立法會選舉。

2005年,香港為2008年立法會係咪要實行全面普選而發生好多爭論,全國人民代表大會常務委員會香港基本法附件一同附件二進行解釋,指出香港如果要改變行政長官同立法會嘅選舉制度,除咗要香港特區行政長官、三份之二立法會議員同意之外,重要得到全國人民代表大會批准先可以實行,間接否決咗2008年普選嘅可能。

組織[編輯]

1998年第一屆立法會選舉度,30席由功能組別產生,10席由選舉委員會選出,20席由地方分區直選產生。2000年第二屆立法會選舉,增加咗由地方分區直選嘅議席,減少由選舉委員會選出嘅議席,其中30席由功能組別產生,6席由選舉委員會選出,24席由地方分區直選產生。2004年第三屆立法會選舉,廢除咗由選舉委員會選出議席嘅制度,將6席改為由地方直選產生。其中30席經地方分區直選產生,其餘30位經功能組別選舉產生。香港基本法第68條講明最終目標係全部議席都由普選產生。

主席[編輯]

立法會主席(President)由立法會議員互選一人出任。第一屆至第三屆主席都係范徐麗泰,而第四屆就由曾鈺成擔任。

委員會[編輯]

立法會轄下有3個常設委員會,分別係財務委員會、政府帳目委員會同議員個人利益監察委員會。另外重設有18個事務委員會,定期聽取政府官員嘅簡報,同埋監察政府執行政策同措施,議員可根據需要加入一個或幾個事務委員會。

行政管理委員會[編輯]

行政管理委員會係為立法會提供行政支援及服務,委員會之下設有議會事務部、資料研究同圖書館服務部、翻譯同傳譯部、公共資訊部、申訴部、總務部及法律事務部。

職責[編輯]

根據香港基本法第七十三條,立法會主要職責有:

  • 制定、修改和廢除法律
  • 控制公共開支
  • 監察政府工作
  • 接受香港居民申訴
  • 同意終審法院法官同高等法院首席法官嘅任免
  • 如果立法會全體議員四分之一聯合動議,指控行政長官有嚴重違法或者瀆職行為時,立法會可以通過進行調查,並委託終審法院首席法官組成獨立調查委員會進行調查。如果調查委員會調查之後認為有足夠證據構成對行政長官嘅指控,立法會會對係咪提出彈劾案進行表決。如果立法會全體議員三分之二通過嘅話,立法會就可提出彈劾行政長官案,並將結果知會中央人民政府,同埋報請中央人民政府決定。中央人民政府接到報告之後會決定係咪免去行政長官嘅職務。

選舉組別[編輯]

選舉組別大致可分為地區組別、功能組別同選舉委員會。

地區組別[編輯]

全港分為五個選區,議員由普選產生。選舉制度係比例代表制。登記選民大約有3百多萬。由1998年起地區直選議席逐漸增加。


地方分區
議席
1998 2000 2004 2008
香港島中西區灣仔區東區南區 4 5 6 6
九龍東黃大仙區觀塘區 3 4 5 4
九龍西油尖旺區深水埗區九龍城區 3 4 4 5
新界東北區大埔區沙田區西貢區 5 5 7 7
新界西荃灣區屯門區元朗區葵青區離島區 5 6 8 8
共有 20 24 30 30

功能界別[編輯]

2000年嘅選舉有26個功能界別,分別代表香港社區各界別。每一界別有1至2位議員,夾埋有30位議員。各界別係:


  1. 鄉議局
  2. 漁業界
  3. 保險界
  4. 航運交通界
  5. 教育界
  6. 法律界
  7. 會計界
  8. 醫學界
  9. 衛生服務界
  10. 工程界
  1. 建築、測量及都市規劃界
  2. 勞工界(3個議席)
  3. 社會福利界
  4. 地產及建造界
  5. 旅遊界
  6. 商界
  7. 工業界
  1. 金融界
  2. 金融服務界
  3. 紡織及製衣界
  4. 批發及零售界
  5. 資訊科技界
  6. 飲食界
  7. 區議會

23個功能界別採用「最多票數當選法」(First Past the Post),合資格嘅選民以一人一票選出代表。勞工界每人可以投三票;鄉議局、漁農、保險、運輸就採用「選擇消去法」(preferential elimination system)。

選舉委員會[編輯]

2000年,800人嘅選舉委員會選出6位立法會議員,比1998年少咗4個議員;2004年再無立法會議席由選舉委員會選出。選舉委員會成員嚟自四個界別(各200人):

  • 工業、商業、財經界
  • 專業人士
  • 勞工、社會服務、宗教及其他界別
  • 原政界:立法會議員、地區組織代表、人大代表、政協委員

大部份委員由本身嘅界別中選出。委員由800人入面選擇,每人可以選擇嘅候選人以議席數目為限,得最多票嘅6個委員當選立法會議員。

福利及待遇[編輯]

  • 立法會議員每月都有薪酬,大約係八萬幾,用嚟支持議員嘅工作。
  • 立法會有專用嘅車牌,以LC開頭,係英文 Legislative Council 嘅縮寫。立法會主席嘅專車就用 LC 1

參考文獻[編輯]

參閱[編輯]

出面網頁[編輯]

  香港立法會議員代表政黨 Legco.svg
泛民主派 人民力量 | 前綫 | 社民連 | 公民黨 | 民主黨 | 工黨 | 職工盟 | 街工 | 民協
 親建制 民建聯 | 自由黨 | 工聯會 | 勞聯 | 泛聯盟 | 香港經濟民生聯盟