香港考試及評核局

香港考試及評核局（Hong Kong Examinations and Assessment Authority，簡稱考評局，本來叫香港考試局），係香港專責安排同統籌考試嘅部門。呢個部門喺1977年5月成立，係一個行政同財政獨立嘅法定機構。

[編輯] 史

由1977年起，香港考試局負責舉行每年一次嘅香港中學會考。其後喺1979年開始，該局負責舉行每年一次嘅香港高等程度會考（已經喺1991年停辦），1980年開始亦負責舉行每年一次嘅香港高級程度會考。2002年，香港考試局改名做香港考試及評核局。同一年，考評局開始為香港小學同初中學生而設嘅中文、英文及數學全港性系統評估計劃。

香港考試及評核局委員會由17個委員組成，分別嚟自中學、高等院校、政府部門同埋專業界別，除咗當然委員外，所有委員都係由香港特別行政區行政長官委任。委員會嘅工作範圍，包括負責釐定考試政策同監管香港考試及評核局的工作。

香港考試及評核局嘅秘書處由約200幾個全職人員組成，向局內各個委員會提供支援嘅服務同埋安排一切由香港考試及評核局舉辦嘅考試。秘書處亦都會按季節性嘅需要，每年聘用超過8,000個臨時員工，例如監考員同評卷員等。

2005年，香港考試及評核局舉辦咗以下公開考試同評核：