香港足球史
香港足球大概100年歷史，足球係香港大眾娛樂，嚮1940年代至1960年代，香港足球業係黃金年代，唔少細路發夢都想做足球巨星，當時有名嘅球星出身地，好似修頓球場、維園、官涌遊樂場、卜公花園同麥花臣，而家重嚮處。
嚮1945年至1969年，球迷為睇足球比賽，廢寢忘餐通宵輪飛，盛極一時。萬人空巷，成「病態」球迷，擁護唐人足球。
不過，1990年代後期，香港足球貪污打假波事件曾經令香港人失望。
1908年 至 1920年代[編輯]
1908年，香港孖剌西報（Hong Kong Daily Press）捐出銀杯做獎品，賽事叫「尋常杯賽」，從此香港出現公開嘅足球競賽，個名沿用到二次大戰日本佔領香港為止。當年只有西人球隊，多數係當地軍隊，冇華人參賽。第一屆聯賽由巴付陸軍羸咗，之後甲組聯賽都係洋人球隊贏晒。直到1920年代後期，南華、中華出現[1]。
1920年後[編輯]
香港足球總會（前身係香港腳球總會）嚮1914年成立，華人球隊同天才球員湧現，包括香港球王李惠堂、包家平、孫錦順、譚江柏、黎兆榮、卓石金、李碩友、鄭少康、葉北華同李天生咁。1950年代至1960年代，香港出名球星有朱永強、莫振華、高保強、姚卓然、黃志強、黃兆和、何祥友、張子岱同張子慧咁。出名球隊有南華、傑志同九巴咁。
1954年，香港加入國際足球協會，1956年重做埋頭一屆亞洲盃足球賽東道主，1960年，中華民國代表隊（當時係以香港球員[2]為主）打入1960年羅馬奧運會決賽週資格，令香港有「遠東足球王國」美譽。
1968年香港足球職業化，球會重金請外援助陣，好似居里、仇志強咁，同本地球星胡國雄、尹志強、鍾楚維、劉榮業合作，令球賽激烈，球迷入場唔少[3]。