香港電影分級制度

出自維基百科,自由嘅百科全書
跳去: 定向搵嘢
香港戲院門票上標明電影嘅級別
香港戲院展示第Ⅲ級影片嘅告示,及《電影檢查條例核准證明書》

香港電影分級制度香港電影分級制度,依照香港法例第392章《電影檢查條例》於1988年11月10日制定,分級主要依據觀眾年齡限制劃分為IIIIII三級;自1995年起因《電影檢查條例》修訂,所以將第II級再細分為IIAIIB兩個級別,所以部份人會稱該電影分級制度為香港電影三級制(而該法例亦叫做《兒童不宜法例》)。

根據香港法例,擬喺香港上映、發行錄影帶鐳射影碟嘅電影,都要送交香港影視及娛樂事務管理處(簡稱香港影視處)評級,並由該處處長核准。第III級錄影帶或影碟嘅包裝物,以及第III級影片嘅宣傳資料,喺發行或公開展示前,更須送交電影檢查監督核准。

所有經評級後嘅電影,無論係喺電影院上映,又或者係以鐳射影碟等媒體發行,必須展示由影視處發出嘅《電影檢查條例核准證明書》(簡稱「電檢紙」)副本。

分級嘅目的,係為咗保護18歲以下未成年人士,免受不良電影內容影響。咁做亦能夠協助家長為仔女揀電影。

III級屬勸諭性質,並無法定年齡限制;IIAIIB級嘅影片,影視處就鼓勵家長陪同及指導仔女觀看。第III級最為嚴格,唔可以賣飛畀18歲以下人士入戲院睇,法例容許驗票員檢查入場者嘅身份證

除此之外,電影預告片、教育影片同文化影片亦須送檢,但唔使進行分級。

香港第一套被分為第III級嘅港產電影,係由牟敦芾執導嘅《黑太陽731》。

香港地區以外嘅人可能會誤解「III級電影」即係色情電影。其實,以充滿血腥暴力鏡頭、粗口對白、恐怖、描述喺社會內具爭議嘅道德價值等題材電影,亦會被評為第III級電影,同時裸露鏡頭可能出現喺非第III級影片。不過,分級制開始之時,一直只有過去被禁制嘅色情電影送檢,所以大眾至有咁嘅錯覺,直到《三狼奇案》送檢,係為第一部因為過度暴力而被評定為第III級嘅電影。

分級定義及標誌[編輯]

電影送交評級後,會依下列定義,被評為以下三級其中之一:

級別 符號 定義 代表符號
第I級 Hong Kong film rating cat1.svg 適合任何年齡人士觀看
Suitable for All Ages
黑色圓形內有白色I字
第II級
(分拆前)
Hong Kong film rating cat2.svg 兒童不宜
Not Suitable for Children
黑色正方形內有白色II字樣
第IIA級 Hong Kong film rating cat2a.svg 兒童不宜
Not Suitable for Children
黑色正方形內有白色IIA字樣
第IIB級 Hong Kong film rating cat2b.svg 青少年及兒童不宜
Not Suitable for Young Persons and Children
黑色正方形內有白色IIB字樣
第III級 Hong Kong film rating cat3.svg 只准18歲或以上人士觀看
Persons Aged 18 and Above Only
黑色或紅色三角形內有白色III字

其他[編輯]

香港坊間有「四級片」呢個稱呼,又叫做「四仔」,但唔係法定等級。「四仔」一般係超出香港電影分級制度所限嘅影片及相近作品,即禁片。冇打格色情片、推翻政府、推廣違法等原素,一般被視為「四級」禁片。

睇埋[編輯]

出面網頁[編輯]