香港電車係指喺香港香港島北部行駛嘅路面電車系統，來往筲箕灣同埋堅尼地城，另外有環形支線來往跑馬地，每日平均搭客達到24萬人次，係全球現存唯一全數用雙層電車嘅電車系統。香港電車響1904年投入服務，係香港最早嘅交通工具之一。香港電車除咗係港島北居民嘅主要交通工具之一，重係外地旅客嘅著名景點之一。
香港電車曾經係九龍倉集團旗下業務。2009年4月7號威立雅運輸買咗香港電車一半股權，2010年2月17號買埋剩低嗰半。
