香港麻雀

出自維基百科,自由嘅百科全書
(由香港麻雀計番跳轉過來)
跳去: 定向搵嘢

香港麻雀麻雀嘅其中一種玩法,雖然同廣東麻雀差唔多,但番種少好多,實際上係屬於較傳統嘅「清章」(一說「舊章」)打法,以別於新章嘅廣東麻雀。

根據自訂規則,通常打三番起胡,最大打八番或十番為上限(網路遊戲較常見最大打十三番)。

以下係香港麻雀嘅種,如果有打花牌就唔計門前清依個番種。

一番[編輯]

  • 無花:冇任何花牌。
  • 正花:花牌號數跟坐位吻合。花牌上嘅號碼1等於東,2等於南,3等於西,4等於北。如果坐嘅位置同摸返黎嘅一樣有一番。
  • 門前清[1]:冇上、碰、槓[2]過牌。
  • 平胡:只有順子,冇刻子嘅糊牌。眼可以係番子。[3]
  • 自摸:食糊牌由自己摸返嚟。
  • 番牌:有以下番子嘅刻子:紅中、發財、白板;
  • 風牌:門風、圈風。門風圈風重疊時計兩番。
  • 花么[4]:只有一、九、番子嘅糊牌。

例:MJs1.pngMJs1.pngMJs1.pngMJs9.pngMJs9.pngMJs9.pngMJw1.pngMJw1.pngMJw1.pngMJf3.pngMJf3.pngMJf3.pngMJd2.pngMJd2.png

  • 搶槓:人哋開槓嘅牌正好係自己食糊嘅牌。可以搶加槓。唔可以搶暗槓。[5]
  • 槓上開花:暗槓/加槓嘅槓上開花計2番自摸,明槓嘅槓上開花計1番,出槓者包[6]
  • 海底撈月:自摸最後一隻牌食糊[7]

兩番[編輯]

一台花:集齊同一系列(梅蘭菊竹 或 春夏秋冬)嘅花牌,唔再計正花。

三番[編輯]

  • 花胡:集齊七隻花牌,計三番自摸。詳見花糊牌規
  • 對對胡:只有刻子嘅糊牌。
  • 混一色:只有一種花式(筒、索或萬)跟番子嘅糊牌。

五番[編輯]

  • 小三元[8]:以中、發、白組成兩個刻子、一對眼嘅糊牌。唔再計三元牌。

例:MJd1.pngMJd1.pngMJd1.pngMJd2.pngMJd2.pngMJd2.pngMJd3.pngMJd3.pngMJw4.pngMJw5.pngMJw6.pngMJt2.pngMJt2.pngMJt2.png

七番[編輯]

  • 清一色[9]:只有一種花式(筒、索或萬),冇番子嘅糊牌。

八番[編輯]

  • 大三元[10]:集齊中、發、白三個刻子嘅糊牌。唔再計三元牌。

例:MJd1.pngMJd1.pngMJd1.pngMJd2.pngMJd2.pngMJd2.pngMJd3.pngMJd3.pngMJd3.pngMJw4.pngMJw5.pngMJw6.pngMJt2.pngMJt2.png

例牌(上限番數)[編輯]

  • 天胡:莊家一開牌就食糊(可以食雞糊,補花後可以食,暗槓後唔食得[11])。
  • 地胡:食莊家打嘅第一隻牌(可以食雞糊,開槓後唔食得)。
  • 十三么:以門清集齊十三種么牌(一九筒、一九索、一九萬、東南西北中發白)各一張,再加其中一張做眼。[12]

例:MJt1.pngMJt9.pngMJs1.pngMJs9.pngMJw1.pngMJw9.pngMJf1.pngMJf2.pngMJf3.pngMJf4.pngMJd1.pngMJd2.pngMJd3.png MJd3.png

  • 小四喜[13]:以東南西北組成三個刻子、一對眼嘅糊牌。

例:MJf1.pngMJf1.pngMJf1.pngMJf2.pngMJf2.pngMJf2.pngMJf3.pngMJf3.pngMJf3.pngMJf4.pngMJf4.pngMJs1.pngMJs2.pngMJs3.png

  • 大四喜:以東南西北組成四個刻子嘅糊牌。

例:MJf1.pngMJf1.pngMJf1.pngMJf2.pngMJf2.pngMJf2.pngMJf3.pngMJf3.pngMJf3.pngMJf4.pngMJf4.pngMJf4.pngMJt1.pngMJt1.png

  • 十八羅漢[14]:開咗四個槓嘅糊牌。食糊時牌數要有十八張。
  • 清么九[15]:又叫清么么九清老頭。只有一,九嘅糊牌。

例:MJs1.pngMJs1.pngMJs1.pngMJs9.pngMJs9.pngMJs9.pngMJw1.pngMJw1.pngMJw1.pngMJw9.pngMJw9.pngMJw9.pngMJt9.pngMJt9.png

  • 字一色[16]:又叫全字糊。只有番子嘅糊牌。

例:MJf1.pngMJf1.pngMJf1.pngMJf2.pngMJf2.pngMJf2.pngMJf3.pngMJf3.pngMJf3.pngMJd1.pngMJd1.pngMJd1.pngMJd2.pngMJd2.png

  • 坎坎胡:又叫簡簡糊刻刻糊四暗刻。冇碰過嘅對對糊。唔可以開暗槓、明槓。要門清集齊四個刻子[17]
  • 槓上槓自摸[18]:連續開兩個槓之後食糊。開第二槓一定要係第一槓嘅補牌,否則當普通嘅槓上開花[19]。兩槓之間要補花就唔算槓上槓。如果第一槓係明槓時當出銃,當包自摸計。三、四連槓嘅第一槓係明槓時都當出銃,當包自摸計。[20]
  • 九子連環[21]:又叫九蓮寶燈。門清集齊同花式 1112345678999 另加任何一隻同花式牌食糊。自摸集齊牌型就可以食[22],食出銃必定要叫九飛。

例:MJw1.pngMJw1.pngMJw1.pngMJw2.pngMJw3.pngMJw4.pngMJw5.pngMJw6.pngMJw7.pngMJw8.pngMJw9.pngMJw9.pngMJw9.png MJw5.png

  • 大花糊[23]:俗稱八仙過海。集齊八隻花,當例牌自摸。詳見花糊牌規

其他非常用番種[編輯]

根據唔同自訂規例可以有呢啲較少人用嘅番種:

  • 海底撈月:食最後一隻打出嘅牌。計一番。
  • 冚手胡:類以日本牌既「雙立直」,即係叫糊後門清,計兩番。
  • 混么九:拎到一、九四副刻子同一對番子將眼。計九番。
  • 人胡:喺第一圈因有人出銃而食糊。計三番或例牌。
  • 鐘鼓齊鳴:又叫「槓爆」,海底撈月兼槓上開花。計例牌。

包牌規則[編輯]

根據傳統,如果打半銃制:任何糊牌嘅九章落地包出銃、十二章落地包自摸。

以下係打全銃制,通常嘅包牌罰則:[24]

  • 清一色:十二章落地(最後一家打出讓玩家上/碰/槓第四次)要包自摸。如果唔係食出清一色唔洗包。
  • 清么九:十二章落地包自摸。
  • 字一色:十二章落地包自摸。
  • 大三元:中發白落地包自摸[25],或根據唔同自訂規例,亦雖要包出銃者一半分數。
  • 大四喜:東南西北落地包自摸,或根據唔同自訂規例,亦雖要包出銃者一半分數。
  • 十八羅漢:四槓落地包自摸,或根據唔同自訂規例,亦雖要包出銃者一半分數。

詐糊罰則[編輯]

詐糊嘅定義係:打開晒十四隻牌但係食唔到糊[26]。例如唔係一副食到糊嘅牌型,或者食唔夠起糊番數(通常係三番)。

根據慣例,因為你阻住牌局進行,同埋大家做大牌嘅機會,所以食詐糊係要對每家打幾大賠幾大。

花糊牌規[編輯]

  • 通常情況下,花糊計三番自摸,大花糊計例牌自摸。
  • 可選擇唔食。補咗花後就唔可以食。(閒家一開牌七隻花以上除外,見下文。)
  • 根據唔同自訂規例:明槓嘅槓上自摸花糊計3番自摸,大花糊計例牌自摸,出槓者包。
  • 根據唔同自訂規例:海底撈月,暗槓/加槓嘅槓上自摸花糊計4番自摸。
  • 根據唔同自訂規例:小相公可以食,大相公唔食得。
  • 根據唔同自訂規例:莊家一開牌七隻花以上當天糊。
  • 閒家一開牌七隻花以上,要補花及等到自己第一次摸牌嘅機會才可以食花糊。唔計地糊。自己曾經上碰過或過了自己第一個摸牌嘅機會之後就唔可以食。

分數計算[編輯]

通常以閒家3番8個籌碼(全銃制係放銃者32個籌碼)為基礎,一百個籌碼為一底嚟計算金錢嘅輸贏。[27]

傳統麻雀以4番為滿糊,之後通常以半辣上,每兩番至跳一倍。

全銃制嘅分數計算(相當於二五雞[28]
番數 出銃 自摸
(0番) 1 (自摸最少一番)
(1番) 2 3-1
(2番) 4 6-2
3番 8 12-4
4番 16 24-8
5番 24 36-12
6番 32 48-16
7番 48 72-24
8番 64 96-32
9番 96 144-48
10番 128 192-64
(11番) 192 288-96
(12番) 256 384-128
(13番) 384 576-192

[編輯]

  1. 根據唔同自訂規例,如果打花牌,通常唔計門前清,但亦可加入門清打法
  2. 根據唔同自訂規例,開暗槓唔影響門清狀態
  3. 根據唔同自訂規例,眼唔可係番子,及/或唔可以食卡隆、偏章、單吊聽牌
  4. :根據唔同自訂規例,唔計任何番數或當三番咁計
  5. 根據唔同自訂規例,搶槓當自摸,開槓嘅一家包
  6. 根據唔同自訂規例,槓上開花一律計2番自摸,家家賠,但出槓者要包輸三家自摸。
  7. 根據唔同自訂規例,食最後一隻打出嘅牌,稱河底撈魚,亦可加一番
  8. 根據唔同自訂規例,會當三至六番咁計
  9. 根據唔同自訂規例,會當六至八番咁計
  10. 根據唔同自訂規例,會當例牌咁計
  11. 根據唔同自訂規例,可以食花糊
  12. 俗稱「牌王」,根據唔同自訂規例。
  13. 根據唔同自訂規例,會當四至十番
  14. 根據唔同自訂規例,唔當例牌
  15. 根據唔同自訂規例,唔當例牌
  16. 根據唔同自訂規例,當清一色對對糊計,最少11番
  17. 根據唔同自訂規例,坎坎胡必定要自摸,單吊牌食糊都得。
  18. 根據唔同自訂規例,會當二至四番自摸咁計
  19. 根據唔同自訂規例,可以開跟第一槓嘅補牌唔同嘅槓
  20. 根據唔同自訂規例,明槓時一律當普通自摸計,家家賠
  21. 根據唔同自訂規例,只當清一色計
  22. 由於香港牌自摸牌可以入手,故很難斷定係唔係已經叫九飛
  23. 根據唔同自訂規例,會當四番或八番咁計
  24. 根據唔同自訂規例、任何糊牌嘅十二章落地都要包自摸
  25. 如果自摸字一色,只計字一色十二章嘅包自摸,因為字一色係例牌,唔另計大三元。
  26. 嚴格嚟講,如果喺違反糊一不糊二(即係同一巡內第一隻唔食揀第二隻食)嘅情況下開咗牌都算詐糊
  27. "籌碼計算方法"
  28. http://bonep.blogspot.com/2010/02/blog-post_06.html

出面網頁[編輯]