馬來長吻鱷

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
馬來長吻鱷
Tomistoma schlegelii fg01.JPG
瀕危指標
Status iucn2.3 EN.svg
瀕危 (EN)
物種分類
界 (Regnum): 動物界
門 (Phylum): 脊索動物門
綱 (Classis): 爬行綱
目 (ordo): 鱷目
科 (familia): 鱷科
屬 (genus): Tomistoma
Müller, 1846
種 (species): T. schlegelii
二元學名
Tomistoma schlegelii
(Müller, 1838)

馬來長吻鱷,又叫馬來鱷同埋馬來假食魚鱷,係東南亞最瀕危嘅一種鱷魚

瀕危等級[編輯]

馬來長吻鱷加入 CITES 附錄1 同 1996年 IUCN 紅皮書目錄裏面,因數據唔夠,暫且定為極危種或瀕危種,唔可以作商業買賣。

形態特點[編輯]

形似恆河鱷,但馬來長吻鱷個頭會逐漸向口鼻收窄,而且冇食魚鱷雄性嘴尾尾嘅個球狀突起。身體為橄欖綠色,背脊有模糊嘅黑色橫條紋;腳強而有力,有助於游水,雙眼就有黃啡色嘅虹膜,呢點喺鱷魚中相當少見。

分布[編輯]

分布喺泰國北部、馬來西亞印度尼西亞。有報導話,喺 Sulawesi 同越南亦有馬來鱷喺度,但係未經進一步證實嘅。

雖然佢嘅殘骸骨頭曾經喺珠江河口一帶畀人發現,但喺香港搵到嘅相似骨骼碎片,但係唔能夠好確實咁話係馬來鱷嘅。不過,佢哋可能就係古文講響廣東一帶出現嘅鱷魚。

生物學[編輯]

馬來長吻鱷個頭

馬來鱷主要棲息喺森林泥炭沼澤地。馬來鱷具細長而窄嘅嘴,適合捕魚,但係分析佢哋裏面嘅嘢,發現牠佢哋食得好雜,唔會凈係食一種魚。馬來鱷嘅胃裏面發現有食蟹猴小鼷鹿野豬雀仔水巨蜥等,仲有石子同露兜樹嘅樹葉,有兩個 cases 重發現有好多寄生線蟲

繁殖[編輯]

鱷魚乸生到 2.5 - 3 米長嗰時就係「性成熟」,每年旱季 6 - 8 月就係築巢嘅時間。一般鱷魚巢都係起係大樹低嘅「泥炭丘」之上,泥炭丘係由死咗嘅植物咁嘅有機物沉積響樹根而形成,用葉、樹枝、碎木嚟築巢嘅,巢嘅形狀似個「小丘」,同其他鱷魚唔同,馬來長吻鱷唔會用用雜草。鱷魚巢直徑有 1.2 - 1.4 米,高約 0.6 米。蛋生喺蛋窩裏面,每窩有 15 - 60 隻蛋,蛋比較大。

分類[編輯]

對於馬來鱷嘅系統同分類,專家睇法唔一致。根據形態學嘅證據,傳統方法將馬來鱷歸類為真鱷科或者亞科。

種群動態及保護[編輯]

熱帶沼澤嘅馬來長吻鱷,香港濕地公園

馬來鱷對生境嘅要求幾特別,要有特定嘅漂浮植物叢同成蔭嘅水邊棲息地,一段時間嘅森林伐木、修築水壩、開闢新水道、非法捕獵,已經使佢嘅棲息地方大量咁消失。

香港濕地公園現時飼養咗四條馬來鱷。佢哋都住響公園展覽館裏面嘅「濕地世界」。

資料來源[編輯]

  • 《香港生態情報》
  • 《中國重點保護野生動物研究叢書:揚子鱷研究》
  • 《兩生爬行類圖鑑》

參閱[編輯]