馬克斯主義（英文：Marxism）係一套政治理論兼政治運動同哲學。馬克斯主義即係話追隨以馬克斯（1818年-1883年）思想所發展出嚟嘅一套哲學同理念，但馬克斯自己講過自己唔係馬克斯主義者。
馬克斯主義推崇唯物辯證法（英文：Dialectical materialism），雖然反對黑格爾嘅唯心論，但認同歷史辯證，佢哋又宣稱自己係人道主義（英文：Humanism），所以開始嗰陣呢套主義都好受落。但係當蘇聯革命家列寧根據馬克斯主義實踐咗一個政治實體出嚟之後，最後搞出一個反人道極權主義政府出嚟，馬克斯主義就開始受到質疑。
