馬拉糕

出自維基百科,自由嘅百科全書
跳去: 定向搵嘢
馬拉糕

馬拉糕係出名嘅廣東嘢食,係茶樓常見嘅點心之一,特色之一係氣孔有三層,頂層係直嘅,而低層係橫嘅,算係蛋糕嘅一種。正宗馬拉糕由麵粉雞蛋豬油牛油溝埋發酵三日,最後放喺蒸籠製而成。茶樓賣嘅馬拉糕通常整成一大型圓狀,切開成細塊賣。 馬拉糕呈金黃色,新鮮食嗰時好鬆軟,帶有輕微嘅香味。如果發酵足夠,馬拉糕嘅顏色會變成深啡色。

亦有簡易馬拉糕整法用紅糖而且無需發酵,但鬆軟程度會較低。

蒸籠度嘅馬拉糕

有啲鍾意食馬拉糕嘅人會專揀原來係喺圓狀糕點周圍嘅部份來食,因為旁邊嘅馬拉糕水蒸氣較少,口感特別好。