馬料水

馬料水（Ma Liu Shui），原本叫馬尿水（Ma Niu Shui），喺香港新界，靠近沙田海，地屬沙田。原馬尿水響家下香港中文大學崇基書院圖書館同荷花池一帶，家下馬料水包括成個中文大學個谷，同埋附近海皮同填地。

馬料水有港鐵大學站，另有馬料水碼頭響海邊。

地理

原馬尿水係條客家村，近沙田海。馬尿水響個谷度，約莫係崇基書院圖書館左近。兩邊有谷，各有涌，一條係崇基敎堂小橋流水，另一條近眾志堂。兩邊涌響村前便匯成一條，重積沙成平地，即係家下湖同運動場個位。涌流入沙田海，涌口喺家下方樹泉樓個位。而涌口有個山仔，喺澤祥街同自然地理實驗站中間。

馬料水沿舊岸行北行可以白石角，向南行到九肚山。