馬纓丹

馬纓丹，花橙同黃，兼未開嘅紅花

馬纓丹，花白同粉紅

馬纓丹，草木一種，顯花植物，灌木一類，原產於美洲熱帶地方。其花色彩多端，其株易於打理，好花之人帶到世界各地。生性頑強，耐旱排他，枝帶倒刺，毒於哺乳動物人畜，唔毒於雀。粗生粗養，人種化野生，處處可見，見於亞熱帶及熱帶地方。有啲地方，甚至威脅原生品種。

有啲生境，常年有花有菓。其花五彩色麗，蝶類中意留喺其上。其菓生時綠，熟時黑，四時都見，影響雀嘅習性。

今日香港、夏威夷、臺灣、澳洲、肯雅、錫蘭、澳洲等地，都見佢落地生根。

名

馬纓丹，拉丁學名lantana camara，英文lantana。

別名五色梅、五龍蘭、如意草、五彩花、臭草、臭金鳳、五雷丹、五色繡球、變色草。

客家話又叫綿鼻公花。

各地狀況

香港

香港見馬纓丹，花黃到紅都有，低到海邊有，山到高處亦有，但多數近村。