高棉帝國，又叫吳哥王朝，係喺東南亞中南半島嘅一個古國，領土範圍主要係而家嘅柬埔寨，全盛時期更加霸埋而家泰國同老撾嘅地。
約莫喺公元400年，高棉人起咗個叫真臘嘅國家，可以算係高棉帝國嘅前身。7世紀中間，闍耶跋摩一世統治嗰陣時已經好勁，勢力直到而家嘅泰國東北同老撾，而且高棉人由信印度教改信佛教。之後真臘畀爪哇人短暫霸住一段時間。
802年，闍耶跋摩二世復國，定都吳哥王城，並且用幾百隻戰象征服四週圍嘅地方1010年至1150年蘇利耶跋摩一世同蘇利耶跋摩二世統治嗰陣，帝國最威水。
13世紀開始，高棉畀安南同暹羅打，高棉人惟有放棄吳哥，遷都去金邊，吳哥王城就咁就湮沒喺森林裡面。
