高澄

出自維基百科,自由嘅百科全書
高澄

高澄521年549年),字子惠,係北魏東魏權臣高歡個仔,老豆死咗之後,高澄繼承咗佢嘅大丞相職位。佢係北齊追尊嘅文襄皇帝

一世[編輯]

高澄係高歡婁昭君生嘅大仔,不嬲都深受喜愛。北魏中興元年(531年),高澄做咗渤海王世子。中興二年(532年),高澄升做侍中開府儀同三司天平元年(534年),高澄升做使持節、尚書令大行台、並州刺史。天平三年(536年),高澄開始接觸朝政。而喺同年,高澄做咗京畿大都督。

東魏皇帝元善見同高澄飲酒嗰陣,自稱做。雖然係冇錯,但係高澄鬧佢:「朕,朕,狗腳朕!」重叫中書黃門郎崔季舒打多佢三拳[1]。元善見不甘受辱。侍講大臣荀濟同尚書祠部郎中元瑾、長秋卿劉思逸、華山王元大器、淮南王元宣洪同埋濟北王元徽等人商量,要諗辦法搞掂高澄,所以喺皇宮日以繼夜,夜以繼日噉掘通去城出面嘅秘密通道。後來,件事俾高澄知道咗,高澄即刻帶兵闖入皇宮,而荀濟等人喺市場上俾人烹殺。549年,高澄計劃奪取東魏政權,但係喺鄴城意外俾屋企嘅廚師蘭京插死。

550年,佢個細佬高洋稱帝,嗌北齊文宣皇帝。高洋追尊高澄做文襄皇帝,廟號世宗

評價[編輯]

北史·齊本紀上第六》話「文襄嗣膺霸道,威略昭著。內除奸逆,外拓淮夷,擯斥貪殘,存情人物。而志在峻法,急於御下,於前王之德,有所未同。蓋天意人心,好生惡殺,雖吉凶報應,未皆影響。總而論之,積善多慶。」

家世[編輯]

老婆[編輯]

仔女[編輯]

  1. 河南王高孝瑜
  2. 廣寧王高孝珩
  3. 蘭陵王高長恭
  4. 河間王高孝琬
  5. 安德王高延宗
  6. 漁陽王高紹信
  1. 某女
  2. 樂安公主,阿媽係靖德皇后元仲華
  3. 公主,阿媽係靖德皇后元仲華

[編輯]


參考[編輯]

[編輯]

  1. 資治通鑒·卷第160》記載:「帝嘗獵於鄴東,馳逐如飛,監衛都督烏那羅受工伐從後呼曰:『天子勿走馬,大將軍嗔!』澄嘗侍飲酒,舉大觴屬帝曰:『臣澄勸陛下酒。』帝不勝忿,曰:『自古無不亡之國,朕亦何用此生為!』澄怒曰:『朕,朕,狗腳朕!』使崔季舒毆帝三拳,奮衣而出。」

[編輯]

  • 北齊書·帝紀第三》
  • 《北史·齊本紀上第六》