高緯

出自維基百科,自由嘅百科全書
跳去: 定向搵嘢

北齊後主高緯556年5月29日577年11月[1]),仁綱南北朝時期北齊第五位皇帝(565年-577年在位),北齊武成帝高湛個仔。

佢即位嗰陣,腐朽嘅北齊政權已經搖搖欲墜,佢自己重仍然荒淫無道,導致北齊軍隊衰弱,政治腐敗,尤其最大致命傷係誅殺名將斛律光高長恭段邵,噉樣令到北齊失去可以抗擊北周侵略嘅有能將領,北周來攻,齊軍大敗,周軍冇幾耐攻爆咗北齊京師(家下河北臨漳),高緯即刻將皇位傳畀自己8歲嘅仔高恆,然後帶住幼主高恆等十幾人騎馬準備投降南面嘅陳朝,但係佢哋班友一逃到去青州(家下山東青州)就俾周軍俘虜咗,俾北周封做溫國公,冇幾耐因為被誣陷謀反,俾人賜死。終年21歲。

諷刺嘅係,高緯被俘之後,對北周武帝宇文邕提出嘅要求竟然係將馮小憐還翻畀佢。宇文邕話:「朕對於天下,就好似除鞋一樣咁輕視,一個老太婆有咩咁好同您爭呢?」高緯對馮小憐痴愛到噉,但係呢份情代價亦都太沉重、太荒唐。高緯寵愛馮小憐,李商隱曾經寫詩諷刺佢:

「小憐玉體橫陳夜,已報師入晉陽[2]」—北齊兩首(第一)第二聯

「晉陽已陷休回顧,更請君王獵一圍」—北齊兩首(第二)第二聯

呢兩首詩說明北齊後主喺北周入侵嗰陣仍然唔理政事,荒唐、淫亂。

后妃[編輯]

仔女[編輯]

參攷[編輯]

  1. 根據《北史‧卷10‧周本紀下第10》、《周書‧卷6‧帝紀第6》嘅記載:「(建德六年冬十月)是月,誅溫公高緯。」
  2. 晉陽應該係平陽。其二同。

出面網頁[編輯]