魯芬

魯芬（英文：Lo Fun，1954年 4月7號—2017年 2月6號），原名張偉芬，祖籍江蘇徐州，香港出世，係香港綠葉演員，因為朋輩都以「老」字相稱，佢綽號「老芬」，所以用佢諧音「魯芬」做藝名。佢契爺係男演員兼馬評人董驃^{[註 1]}。

魯芬喺2017年因為皮肌炎逝世。

逝世[編輯]

2017年2月6日凌晨，魯芬因罕見疾病皮肌炎導致肺部衰竭喺元朗區嘅博愛醫院離世，終年63歲。消息經佢屋企人喺凌晨發聲明證實。聲明全文如下：

「	致各位傳媒朋友：魯芬女士今日凌晨時分因皮肌炎導致肺部衰竭，在家人及朋友陪同下安詳離世，終年63歲。魯芬女士於十個月前患上皮肌炎，從得知自己患病後，她都一直勇敢面對，對戰勝病魔充滿積極樂觀態度。感恩各界的愛與關懷，適時公布喪禮安排。願魯芬女士早往佛國淨土。喃嘸阿彌陀佛！謝謝！	」
——魯芬摯愛家人字 6/2/2017，^[1]

↑ 魯芬喺香港電台第二台廣播節目《守下留情》〈女中豪傑系列十三：魯芬 - 芬姐好豪〉訪問（2016年5月18號）提過，董驃做咗佢契爺係源於自己弟弟認識董驃個女（佢哋係同學）。魯芬因為呢個關係而同董驃熟咗。董驃66歲生日嗰日（1999年3月30號），佢個女唔喺身邊同佢慶祝同埋切66塊豬肉賀壽，魯芬幫手做咗，之後就做咗董驃契女。