鯊魚皮游水衫

出自維基百科,自由嘅百科全書
鯊魚皮泳衣(包哂成隻腳但無包到手嘅款式)

 鯊魚皮泳衣粵拼saa1 jyu4 pei4 wing6 ji1英文Shark-Skin-Inspired Fastskin Swimsuit),簡稱鯊魚皮saa1 jyu4 pei4Shark-Skin),又叫神奇泳衣san4 kei4 wing6 ji1)或快皮faai3 pei4fastskin)。佢係一種模仿鯊魚皮嚟整嘅泳衣。佢喺20世紀90年代尾出現,屬高科技泳衣。呢種泳衣由高科技布料剪裁,包嗮成個身、手臂同腳(有啲款式就包住半隻腳或成隻腳,唔包手;有啲款式包住半隻腳同半隻手)。喺1999年——2009年間,佢唔只喺打破游水世界紀錄入面出嗮名,重經歷咗從高科技泳衣行業嘅一家獨大到俾其他公司反超嘅過程。雖然自2010年開始,國際泳協嘅比賽禁咗鯊魚皮,但而家呢種泳衣喺商場都有得賣[1]

響朵[編輯]

米高菲比斯依文蘇利雲喺2008年北京奧運會嘅4×100游泳接力比賽,都着住鯊魚皮。

話說鯊魚皮泳衣,最早喺1999年正式俾國際泳協批准,成為比賽時可用嘅科技。而呢件嘢最先喺2000年悉尼奧運會出現。當年游泳比賽,有位叫伊恩科比嘅17歲游泳健將,成日着住件黑色連體緊身泳衣去比賽,攞咗4面金牌同1面銀牌,結果佢件鯊魚皮泳衣俾人點咗相,後來呢種新科技俾好多游泳健將睇中咗。[2]到咗2004年雅典奧運會,有47位游泳健將着鯊魚皮泳衣去比賽。喺2008年北京奧運會,由於鯊魚皮猛咁出現,仲打破咗105次世界紀錄,尤其當時嘅米高菲比斯,一嘢攞咗8面金牌。就係噉,鯊魚皮就出嗮名。不過到咗2009年7月30號,國際泳聯宣佈從2010年開始,禁止比賽用高科技泳衣喇[3]

版本[編輯]

鯊魚皮至今出咗4代產品。

第1代鯊魚皮[編輯]

第1代鯊魚皮喺2000年出現,佢用咗纖維嚟模仿鯊魚皮膚結構,降低水嘅阻力後,泳速提高咗3%~7.5%。鯊魚皮泳衣喺悉尼奧運會出嗮名,有83%嘅參賽選手著住佢參賽。

第2代鯊魚皮[編輯]

第2代鯊魚皮喺2004年出現,以第1代做基礎,喺面料上加啲細細粒嘅仔,降低30%阻力,泳速比起第1代提升咗7.5%。

第3代鯊魚皮[編輯]

第3代鯊魚皮喺2007年出現,用咗防氧彈性紗同特細尼龍紗嚟整。彈性方面,同以前嘅同類產品高咗15%,可降低肌肉振動同能量損耗。

第4代鯊魚皮[編輯]

第4代鯊魚皮喺2008年出現,用咗超輕、低阻力、防水同快乾嘅LZR Pulse面料嚟整,重係全球第一套以高科技熔接嚟整嘅無皺比賽泳衣。

超聲縫合技術[編輯]

最新款嘅鯊魚皮泳衣,用咗最先進嘅「超聲縫合技術」製造。工作原理係以高頻率振盪,再以燒焊嚟將聲波傳去要整嘅熔接面,一陣間就將啲物理分子產生摩擦去到塑膠熔點,跟住固體材料好快溶嗮就搞定。

[編輯]

  1. 去SPEEDO、arena或英發嘅正品專賣鋪就有得賣。
  2. SPEEDO“鲨鱼皮”泳衣史无前例公开发售 互聯網檔案館歸檔,歸檔日期2016-03-05. 和訊網 喺2011年11月29號搵到
  3. 国际泳联通过高科技泳衣限制案 鲨鱼皮明年全面“禁赛” 周口晚報 喺2009年7月30號搵到

睇埋[編輯]

連出去[編輯]