鱔稿即係宣傳稿咁解，係香港原創嘅詞語。
話說1930年代，香港中環威靈頓街有間酒家叫「南園酒家」（總店響廣州，係廣州四大酒家之一），招牌菜係炆大鱔。
一條大鱔重二、三十斤，劏咗賣唔晒就蝕大本。南園個陳司理主政，同撰稿人俞華山相熟，俞周不時會寫新聞稿去各大報館，幫陳做宣傳，標題通常係【南園酒家又劏大鱔】。
後來，啲人就將呢類賣花讚花香嘅宣傳稿，叫做鱔稿。
