鵝鑾鼻

出自維基百科,自由嘅百科全書
跳去: 定向搵嘢
鵝鑾鼻,圖中左邊色建築物係鵝鑾鼻燈塔

鵝鑾鼻又叫做南岬,係臺灣嘅最南端,喺臺灣屏東縣恆春鎮,隔咗個巴士海峽就係菲律賓。根據臺灣日治時期嘅文獻,鵝鑾鼻當時嘅名係片假名「ガランピ」或漢字「鵞鑾鼻」。「鵝鑾」係臺灣原住民排灣族嘅語言「帆」嘅譯音,因為附近嘅香蕉灣好似船帆,所以就叫做「鵝鑾」,加上嗰度嘅地形好似突咗出嚟嘅鼻,「鼻」係指岬角,所以就叫做鵝鑾鼻或「鵝鑾鼻半島」。

喺1982年成立嘅鵝鑾鼻公園,將21.4米高嘅鵝鑾鼻燈塔附近嘅五十公頃納入公園範圍,公園內保育咗日治時期豎立嘅「臺灣八景鵝鑾鼻」石碑。

刻有「臺灣八景鵝鑾鼻」嘅石碑
鵝鑾鼻燈塔

出面網頁[編輯]