鷄公欖

出自維基百科,自由嘅百科全書
喺上下九街頭入面嘅鷄公欖雕像

鷄公欖廣州嘅一種曾經好流行嘅特產小食,係用上等嘅白欖經過一系列複雜嘅工序醃製而成嘅,包括有甜嘅和順欖、鹹嘅甘草欖同埋辣嘅辣椒欖[1][2]

歷史[編輯]

鷄公欖爾個名源自一種銷售方式:賣鷄公欖嘅人將一隻色彩搶眼嘅紙紮大鷄公套喺身上邊,一邊吹嘀噠一邊沿街叫賣[1][2],而嘀噠吹出來嘅旋律通常係「sol-sol-mi-sol」,同鷄公嘅叫聲相當似。後來鷄公欖重演變出一種飛機欖:由於啲西關小姐平時甚少出街,買嘢都係由樓上個窗道擲啲錢落街,因此賣欖人需要好精準恁將粒欖擲入擲錢落街嗰位小姐個窗裡邊,少啲工夫都唔得[1]

鷄公欖喺二十世紀二三十年代嘅廣州西關好流行。隨著時代變遷,賣鷄公欖嘅人越來越少,少到近乎絕跡。進入廿一世紀之後,為徂保存同活化傳統文化,荔灣區嘅荔枝灣文化交流協會專門贊助徂幾位失業人員,請佢等喺上下九步行街駝著(塑料紮嘅)大鷄公賣鷄公欖[1][2]

參考[編輯]

  1. 1.0 1.1 1.2 1.3 . 鳳凰網. 原著喺2015-05-01歸檔. 喺2015-03-24搵到.
  2. 2.0 2.1 2.2 . 網易新聞. 喺2015-03-24搵到.