鹹
(由鹹味跳轉過嚟)
鹹味（粵拼：haam4 mei6），減筆咸味，係人類味覺可以感受得到嘅一種味道，傾向會為人帶嚟快感。人同好多其他動物嘅脷上面有味蕾，味蕾接觸到食鹽—主要化學成份係氯化鈉（NaCl）—嗰陣隻動物就會感知到鹹味。
鹹响人類嘅飲食文化當中有相當重要嘅角色：世界各地嘅菜系都有用到鹹呢種味道，例如齋講粵菜就有鹹魚同鹹蛋等，而且鹹味又被指可以帶出肉類嘅鮮味，所以啲人煮飯整海鮮、煎蛋或者煲湯嗰時亦成日會落鹽同生抽等嘅調味料，令食物有鹹鹹哋噉嘅味。
語文相關[編輯]
喺廿一世紀初嘅中文當中，鹹呢隻漢字好多時會減筆寫做咸，噉做只不過係為咗方便速寫，咸呢隻字本身係解全部，通通，所有噉嘅意思，例如老少咸宜噉。
廿一世紀初嘅粵語入邊有鹹濕（粵拼：haam4 sap1）呢隻形容詞，形容一樣嘢有色情成份。呢隻形容詞好多時都會簡化做鹹，例句：
- 「佢喺度睇埋晒啲鹹濕書。」
- 「佢喺度睇埋晒啲鹹書。」
Info：鹽味？鹹味？
有好多語言會將鹽同鹹味分做兩隻唔同嘅字詞，例如
又有好多語言會將鹹呢種味道稱為鹽味：例如日本話就係叫呢種味道做 shio mi 嘅，當中 shio 用平假名寫係
しお 而用漢字寫就係塩—正正就係日本話鹽噉解，所以 shio mi 字面解就係鹽味；而鹹味喺英文入邊就係叫 salty 嘅—呢隻形容詞由 salt（鹽噉解）同 -y 呢段詞尾[2]組成，成隻字就噉字面解係似鹽嘅噉嘅意思。
鹹味物質[編輯]
鹹味物質當中最出名嘅要數食鹽[註 1]。食鹽主要嘅成份係氯化鈉（NaCl）。