鹹書

出自維基百科,自由嘅百科全書
跳去: 定向搵嘢

鹹書,卽係鹹濕書,減筆咸書,係講鹹濕嘢嘅,用來挑起性欲。鹹書可以相冊,或者漫畫,或者圖冊,或者係繪型繪聲嘅文字

喺香港,比較出名嘅鹹書有「龍虎豹」、「男子漢」、「香港97」、「豪情」、「花花公子」、「閣樓」等等。男外,有尐報攤或者成人書店可能有來自外地(例如美國、日本)嘅鹹書,或者有關SM、人妻/熟女、野外露出、偷拍、同性戀等等取材比較「非主流」嘅鹹書。大部份嘅鹹書喺香港都可以公開買賣,但由於法例關係,香港市面賣嘅鹹書都要包喺一個膠套入面,俗稱「入袋」。

喺錄影帶年代,鹹書同鹹片各有自己嘅市場,好少可會撈過界。但隨住VCD、DVD等光碟面世,有尐鹹書開始隨書附送有色情內容嘅光碟(鹹碟)。

由於互聯網嘅流行,眾多鹹書都要面對色情網站(鹹網)嘅競爭,有部份鹹書出版商結業或者兼營鹹網。

睇埋[編輯]